Nýr SOS bolur frá Rúrik til styrktar SOS
Nú er kominn nýr SOS bolur í sölu hjá 66°Norður sem hannaður er af Rúrik Gíslasyni, velgjörðasendiherra SOS. Allur ágóði af sölu bolsins rennur til SOS Barnaþorpanna rétt eins og í fyrra. Þá seldist bolurinn upp og rann ágóðinn, 1,6 milljónir króna til SOS Barnaþorpanna.
Bolurinn er til sölu í vefverslun 66°Norður, HÉR.
„Markmiðin voru skýr. Bolurinn þurfti fyrst og fremst að vekja athygli á SOS barnaþorpum, vera flottur og höfða til allra aldurshópa. Og það er akkúrat það sem mér finnst að okkur hafi tekist virkilega vel til í hönnuninni á þessum bol ásamt því að hann er úr góðu efni og er þægilegur,“ segir Rúrik.
Í fyrra skilaði sala bolsins 1,6 milljónum króna til hjálparstarfs SOS meðal umkomulausra og nauðstaddra barna, m.a. barnungra fórnarlamba kynferðisofbeldis.
„Nýi bolurinn mun án efa klæða eigendur sína vel og sem fyrr, vera yfirlýsing viðkomandi um að honum sé ekki sama um bágstöddustu börn jarðar og að hann vilji lina þjáningar þeirra," segir Ragnar Schram, framkvæmdastjóri SOS.
Nýlegar fréttir
Laust starf: Þjónustu- og skrifstofufulltrúi
SOS Barnaþorpin leita að drífandi einstaklingi sem brennur fyrir mannúðarmál, nýtir sín í mannlegum samskiptum og er töluglöggur.
Yfir 19 milljónir barna í Súdan ganga ekki í skóla
Framkvæmdastjóri SOS Barnaþorpanna í Súdan segir neyðarástandið í landinu eiga eftir að skilja eftir ör á sál landsmanna. Milljónir eru á flótta vegna borgarastríðs og daglega verða yfir hundrað manns...