Neyðaraðstoð í Kólumbíu
SOS Barnaþorpin hafa sinnt neyðaraðstoð í Kólumbíu síðustu vikur, nánar tiltekið í borginni Mocoa sem varð illa fyrir barðinu á úrhellisrigningu í byrjun apríl.
Um það bil 350 manns létust og mörg hundruð fjölskyldur misstu heimili sín vegna aurskriða en rigningin varð til þess að ár flæddu yfir bakka sína og hús fylltust af aur.
Neyðaraðstoð SOS felst í aðstoð við fylgdarlaus börn og þau börn sem misstu foreldra í hamförunum. Einnig útvega samtökin fjölskyldum húsaskjól, sálfræðiaðstoð og menntun ásamt því að hafa opnað barnvænt svæði. Þá hafa SOS Barnaþorpin einnig dreift helstu nauðsynjum til barnafjölskyldna, t.d. bleyjum, þurrmjólk, vatni, fötum og mat.
Neyðaraðstoð SOS Barnaþorpanna í Kólumbíu mun standa yfir að minnsta kosti út árið.
Nýlegar fréttir
Börnin í Líbanon heil á húfi
SOS Barnaþorpin í Líbanon hafa staðfest að öll börn og ungmenni á framfæri samtakanna í landinu eru heil á húfi. Stríðsástandið í landinu hefur þó áhrif á börnin sem áfram er hlúð vel að.
Kylfingar úr Oddi styrkja nauðstödd börn í Súdan
Þúsundir Íslendinga hafa lagt neyðarsöfnunum SOS Barnaþorpanna lið á árinu með smærri og stærri framlögum. Nú í október barst rausnarlegt framlag frá félagsskap nokkurra kylfinga í Golfklúbbnum Oddi, ...