Hvernig er hægt að styrkja SOS í Sýrlandi?
Söfnunin okkar hefur fengið frábærar viðtökur og því erum við þakklát. Neyðin er gríðarleg í Sýrlandi og SOS hefur þörf á aðstoð, bæði vegna rýmingar barnaþorps samtakanna í Damaskus og vegna neyðaraðstoðar SOS í landinu.
Hægt er að fara þrjár leiðir til að styðja SOS í Sýrlandi.
Leið 1: Gerast barnaþorpsvinur fyrir SOS í Sýrlandi
Barnaþorpsvinir fyrir Sýrland styðja við börn á okkar vegum sem þurft hafa að flýja heimili sín í Aleppo og Damaskus með mánaðarlegu framlagi að upphæð kr. 3.250. Framlagið má greiða með korti eða með greiðsluseðli. Stuðningurinn fer í að greiða uppihald, öryggi og velferð barnanna.
Hér getur þú gerst Barnaþorpsvinur. Taktu vinsamlegast fram að þú óskir eftir Sýrlandi. Ef vilji er til að greiða aðra upphæð en 3.250 er hægt að taka það fram í umsókninni.
ATH I
Undir öllum eðlilegum kringumstæðum fá nýir Barnaþorpsvinir bréf frá barnaþorpinu sem þeir styðja og svo reglulega bréf þaðan. Eins og staðan er í dag getum við því miður ekki tryggt eðlilega upplýsingagjöf frá Sýrlandi en við ábyrgjumst þó að framlagið fari á réttan stað.
ATH II
Vegna stríðsátakanna í Sýrlandi höfum við þurft að flýja með börnin okkar (samtals 156 börn) úr barnaþorpunum okkar í Aleppo og Damaskus. Við getum ekki upplýst hvar börnin eru niðurkomin en áhersla er lögð á að þau búi við eins öruggar aðstæður og kostur er. Vegna þessara flutninga er kostnaður við umönnun þeirra mun meiri en annars.
Leið 2: Leggja framlag inn á reikning SOS Barnaþorpanna
Hægt er að leggja frjálst framlag inn á reikning 334-26-52075, kt. 500289-2529 með skýringunni Sýrland.
Það framlag fer til neyðaraðstoðar SOS í Sýrlandi.
SOS er starfandi í Aleppo, Damaskus og nærsamfélögum. Í Damaskus rekur SOS tímabundin heimili fyrir börn án fylgdar foreldra og stefnt er að opnun tveggja nýrra barnvænna svæða. Hægt er að lesa um neyðaraðstoð SOS í Aleppo hér.
Leið 3: Hringja í síma 907 1002
Með því að hringja í síma 907 1002 gefur þú 2.000 krónur til neyðaraðstoðar SOS í Sýrlandi.
Nýlegar fréttir

Héldum að við yrðum drepin
Í apríl sögðum við frá rýmingu barnaþorps í höfuðborg Súdan vegna blóðugra átaka í nágrenni þess. Í kjölfarið var þorpið svo hertekið af vopnuðum sveitum og haldar þær enn til í barnaþorpinu.

Umbætur hjá SOS í kjölfar rannsóknarskýrslu
Árið 2021 greindum við frá því að niðurstöður tveggja óháðra rannsókna hafi leitt í ljós ýmsa misbresti í stjórnun SOS Barnaþorpanna á alþjóðavísu og í einstaka löndum. SOS Barnaþorpin á Íslandi áttu ...