Fréttayfirlit 21. febrúar 2020

Börnin í fjarnámi til að forðast COVID-19 veiruna

Skólaárið í Kína hefst venjulega um miðjan febrúar en upphafi þess hefur nú verið frestað vegna COVID-19 veirufaraldursins. Börnin í SOS barnaþorpunum í Kína læra hins vegar heima í barnaþorpunum í fjarnámi á meðan með dyggri aðstoð SOS-mæðra sinna. Þetta er úrræði sem yfirvöld í Kína hafa komið á fyrir alla nemendur í landinu.

Börnin útbúa heimatilbúin fréttabréf

Börnin hafa undanfarna daga dundað sér við að gera heimatilbúin fréttabréf með hvatningu og upplýsingum um hvernig fólk getur varið sig gegn COVID-19 veirunni. Með þessu vilja þau leggja sitt af mörkum til forvarna og um leið senda þau hvatningarorð til íbúa Wuhan borgar þar sem upphaf veirunnar er rakið til.

10 SOS barnaþorp eru í Kína og þar eiga 80 Íslendingar SOS styrktarbörn. Engin smit hafa komið upp í þorpunum þar sem afar strangt eftirlit er til að koma í veg fyrir smit. Börnin og SOS mæðurnar halda sig inni í þorpunum og enginn fer inn í þorpin án þess að vera skoðaður gaumgæfilega. Börnin fá að ganga um utandyra í þorpinu en starfsfólk SOS vinnur á vöktum því þess er ávallt gætt að aldrei séu margir samankomnir í einum og sama staðnum.

Yfir tvö þúsund manns eru látnir af völdum veirunnar í Kína og um 75 þúsund hafa smitast.

Nýlegar fréttir

Söfnuðu rúmlega milljón fyrir börn í neyð á Gaza
10. jún. 2024 Almennar fréttir

Söfnuðu rúmlega milljón fyrir börn í neyð á Gaza

Nemendur Kársnesskóla héldu sinn árlega góðgerðardag nú á dögunum þar sem þeir söfnuðu rúmlega milljón fyrir börn í neyð á Gaza. Nemendur og starfsfólk skólans höfðu undirbúið daginn vel og buðu upp á...

Börn og starfsfólk yfirgefa SOS barnaþorpið í Rafah
30. maí 2024 Almennar fréttir

Börn og starfsfólk yfirgefa SOS barnaþorpið í Rafah

Þann 28. maí hófu SOS Barnaþorpin flutning barna og fullorðinna frá barnaþorpinu í Rafah vegna stóraukinnar öryggisáhættu á staðnum þar sem barnaþorpið er.