Börnin á Álfaheiði sungu og afhentu framlag
Börnin í leikskólanum Álfaheiði litu við á skrifstofu SOS Barnaþorpanna á dögunum til að afhenda árlegt framlag fyrir styrktarbarn sitt, Isabellu, tveggja ára stúlku sem býr í barnaþorpi í Tansaníu. Börnin eru að sjálfsögðu komin í mikið jólaskap og sungu fyrir okkur jólalag sem sjá má á meðfylgjandi myndskeiði frá heimsókn þeirra.
Álfaheiði er einn af Sólblómaleikskólum SOS Barnaþorpanna. Árið 2002 gerðist skólinn styrktarforeldri Lúkasar sem þá var þriggja ára og bjó í SOS barnaþorpi í Argentínu. Hann er nú orðinn 19 ára, fluttur úr þorpinu og farinn að standa á eigin fótum.
Isabella varð tveggja ára í nóvember og halda börnin á Álfaheiði upp á afmæli hennar rétt eins og ávallt var gert í tilfelli Lúkasar. Á leikskólanum eru ýmsar söfnunarleiðir fyrir framlagi barnanna og komu þau með 54,225 krónur sem þau höfðu safnað. 46,800 krónur er sú upphæð sem styrktarforeldrar greiða á einu ári. Afangurinn af peningnum var lagður inn á framtíðarreikning Isabellu.
SOS Barnaþorpin þakka öllum á Álfaheiði og öðrum Sólblómaleikskólum kærlega fyrir þeirra góða starf og gjafmildi.
Nýlegar fréttir

Seinna SOS-blað ársins komið út
Seinna SOS-blað ársins er komið út og er það að venju aðgengilegt rafrænt hér á sos.is. Þetta er í annað sinn sem blaðið kemur út með breyttu fyrirkomulagi á dreifingu til styrktaraðila.

Viðbragðsáætlun SOS Barnaþorpanna í Marokkó
Líf þúsunda barna breyttist þegar jarðskjálfti reið yfir Marokkó 8. september sl. og munu afleiðingarnar hafa áhrif á landið um ókomna tíð. Hér má lesa um útfærslu á viðbragðsáætlun SOS Barnaþorpanna ...