Barnasáttmálinn á barnvænu máli
Barnasáttmáli Sameinuðu þjóðanna var samþykktur á allsherjarþingi SÞ og undirritaður þann 20. nóvember árið 1989. Þetta er sá mannréttindasamningur sem hefur verið staðfestur af flestum þjóðum, 193 talsins, og er samningur um réttindi barna. Samningurinn var fullgiltur fyrir hönd Íslands árið 1992 og lögfestur á Alþingi árið 2013.
SOS Barnaþorpin hafa í yfir 70 ár staðið vörð um réttindi barna. 20. grein sáttmálans á sérstaklega vel við um hlutverk samtakanna sem eru starfrækt í 136 löndum.
Barn sem ekki nýtur umönnunar fjölskyldu sinnar á rétt á því að hugsað sé um það af fólki sem ber virðingu fyrir því, trúarskoðunum þess, menningu, tungumáli og öðru sem varðar líf barnsins. 20. grein Barnasáttmálans
Hlutverk SOS Barnaþorpanna er að veita munaðarlausum og yfirgefnum börnum staðgengil fyrir þá fjölskyldu sem þau hafa misst.
Barnasáttmálinn er ítarlegur samningur en á vefsíðunni Barnasattmali.is sem opnaður var í dag, á vegum Umboðsmanns barna á Íslandi, hefur innihald hans verið tekið saman á barnvænu máli sem ætti að auðvelda öllum að skilja innihald hans.
Nýlegar fréttir
SOS á Íslandi tryggir umönnun barna í Esvatíní
SOS Barnaþorpin á Íslandi hafa ákveðið að styðja við SOS Barnaþorpin í Esvatíní með 15 milljónum króna svo tryggja megi umönnun barna í þeirra umsjá. Fjármunirnir eru gjafir frá einstaklingum hér á la...
841 króna af hverju 1.000 króna framlagi skilar sér til hjálparstarfsins
Ársskýrsla SOS Barnaþorpanna fyrir árið 2025 hefur nú verið birt eftir aðalfund samtakanna 20. maí sl. Þar kemur m.a. fram að hlutfall stjórnunarkostnaður er áfram með því allra lægsta sem gerist eða ...