Fréttayfirlit 19. júní 2018

„ÁFRAM ÍSLAND“ frá Eþíópíu og Mexíkó



Íslenska karlalandsliðið í fótbolta hefur reglulega vakið heimsathygli undanfarin ár fyrir afrek sín á vellinum en athyglin á liðinu hefur aldrei verið eins mikil og núna. Nú eru strákarnir okkar fyrir augum allrar heimsbyggðarinnar á HM í Rússlandi og aðdáendum liðsins fjölgar ört. Síðustu daga hafa stuðningskveðjur til íslenska liðsins borist skrifstofu SOS Barnaþorpanna á Íslandi frá tveimur SOS Barnaþorpum, í Mexíkóborg og Addis Ababa í Eþíópíu.

Börnin í þorpinu í Mexíkó sendu myndir af sér með íslenska fánann og í Eþíópíu hafa börnin teiknað íslenska fánann og skreytt spjöld sem á stendur „áfram Ísland“ og „HUH“ fyrir Víkingaklappið.

175 börn eru í SOS barnaþorpinu í Addis Ababa og þar styrkja um 30 íslenskir styrktarforeldrar börn með mánaðarlegu framlagi. Í SOS barnaþorpinu í Mexíkóborg eru 47 börn og eru um 20 Íslendingar að styrkja börn þar með sama fyrirkomulagi. Eitt þeirra styrktarforeldra heimsækir þorpið einu sinni á ári. „Jafnvel þótt hann sé bara styrktarforeldri einnar stúlku hérna þá er hann mjög rausnarlegur við hinar stelpurnar líka. Þess vegna fannst þeim mjög ánægjulegt að senda Íslendingum þessa kveðju.“ segir í skilaboðum með einni myndinni.

SOS Barnaþorpin eru ein stærstu barnahjálparsamtök í heimi og sjá umkomulausum börnum fyrir öllum grunnþörfum eins og SOS fjölskyldu og menntun. Alls voru framlög íslenskra styrktarforeldra 392,5 milljón króna árið 2017. Þau styrktu börn í 437 barnaþorpum í 107 löndum með mánarlegum framlögum. SOS foreldri fær reglulega myndir og fréttir af sínu barni og getur jafnvel heimsótt það í þorpið.

Einfalt er að gerast styrktarforeldri hér á heimasíðunni.

Nýlegar fréttir

Svona tuttugufaldast framlagið þitt
15. okt. 2025 Fjölskylduefling

Svona tuttugufaldast framlagið þitt

Þegar þú gefur fjárframlög til góðgerðarmála verður til það sem kallað er félagsleg arðsemi af framlögunum þínum. Í skýrslunni 75 Years Of Impact sem gerð var í tilefni af 75 ára afmæli SOS Barnaþorpa...

Yfirlýsing frá SOS Barnaþorpunum í Palestínu
10. okt. 2025 Almennar fréttir

Yfirlýsing frá SOS Barnaþorpunum í Palestínu

„SOS Barnaþorpin Palestínu lýsa miklum létti og von og fagna tilkynningu um fyrsta áfanga vopnahlés á Gasa.“ Svona hefst yfirlýsing sem birt var á Facebook síðu samtakanna eftir að tilkynnt var um lan...