Fréttayfirlit 10. nóvember 2016

120 börn í Tansaníu fá öruggt heimili

SOS í Noregi hefur byggt nýtt barnaþorp í næst stærstu borg Tansaníu, Mwansa.

Barnaþorpið er staðsett á svæðinu Bugarika, þar sem lífsskilyrði eru afar slæm. Í þorpinu eru 12 hús þar sem 120 börn hafa fengið varanlegt heimili. Þau munu einnig fá pláss á nýuppgerðum grunnskóla hverfisins og verið er að byggja leikskóla við þorpið sem mun geta hýst 100 börn.

Þorpið var fjármagnað í gegnum söfnun í Noregi. Norskir skólanemendur hafa safnað fjármagni í mörg ár og sex af húsunum í þorpinu eru fjármögnuð með frjálsum framlögum frá ýmsum hópum í landinu. Mörg fyrirtæki hafa einnig styrkt við verkefnið.

Fjölskylduefling hefur nú þegar hjálpað mörgum

Margar fjölskyldur sem búa á svæðinu hafa fengið aðstoð frá SOS Barnaþorpunum síðustu ár, en fjölskyldueflingarverkefni hefur verið til staðar á svæðinu frá árinu 2010.

Markmið fjölskyldueflingarinnar er að sporna við aðskilnaði barna og foreldra. Meira en 1000 börn og foreldrar/ forráðamenn þeirra hafa fengið styrk frá fjölskyldueflingunni og margar fjölskyldur standa nú á eigin fótum og sjá fyrir sér sjálfar eftir að hafa verið þátttakendur í verkefninu.

Nýlegar fréttir

Sorgarmiðstöð hlýtur fjölskylduviðurkenningu SOS
16. maí 2023 Almennar fréttir

Sorgarmiðstöð hlýtur fjölskylduviðurkenningu SOS

Sorgarmiðstöð hlaut í gær fjölskylduviðurkenningu SOS Barnaþorpanna fyrir mikilvægt starf í þágu barnafjölskyldna á Íslandi. Forsetafrú og velgjörðasendiherra SOS Barnaþorpanna á Íslandi, Eliza Reid, ...

SOS Barnaþorpin eru fyrirmyndafyrirtæki V.R. annað árið í röð
12. maí 2023 Almennar fréttir

SOS Barnaþorpin eru fyrirmyndafyrirtæki V.R. annað árið í röð

Annað árið í röð eru SOS Barnaþorpin á Íslandi meðal efstu fyrirtækja í vinnu­staða­könn­un V.R. og hljóta þar með titilinn Fyr­ir­mynd­ar­fyr­ir­tæki í flokki lít­illa fyr­ir­tækja.