Litla bakaríið hennar Everlyn
Everlyn er 28 ára og hefur ekki alltaf haft skýra stefnu í lífinu. Hún ólst upp hjá ömmu sinni í Mombasa í Keníu þar sem foreldrar hennar gátu ekki séð um hana. Tvítug flutti hún til Dar es Salaam, stærstu borgar Tansaníu. Þar mætti hún fordómum og varð fyrir áreitni.
Þegar hún sneri aftur til Mombasa kynntist hún eiginmanni sínum. Þau stóðu þó frammi fyrir erfiðleikum þar sem bæði voru án atvinnu. En árið 2023 opnuðust nýjar dyr. Everlyn frétti af námskeiði SOS Barnaþorpanna, „Vijana Na Skillz“, sem hjálpar ungu fólki að sérhæfa sig í ýmsum faggreinum.
Everlyn starfrækir lítið bakarí heima hjá sér.
Lærði að vera bakari
Námskeiðið er hluti af verkefninu „Leave No Youth Behind“, sem vinnur að því að skapa ungmennum betri framtíð. Everlyn greip tækifærið og fór í læri hjá reyndum bakara. Í dag hefur hún komið sér upp litlu heimabakaríi í stofunni sinni, sem hún auglýsir á samfélagsmiðlum.
Fyrir hverja köku sem hún selur leggur Everlyn pening til hliðar með einum stórum draumi í huga: að opna sitt eigið bakarí í framtíðinni.
Að vera frumkvöðull gefur mér sjálfstraust. Ég get unnið sjálfstætt og skapað mér gott líf – án þess að nokkur geri mér lífið erfitt. Everlyn
Everlyn geislar af sjálfstrausti.
Þessi saga af Everlyn er aðeins eitt dæmi af fjölmörgum verkefnum sem SOS Barnaþorpin standa fyrir til að auka möguleika barna og ungmenna í lífinu. Sem dæmi má nefna að SOS Barnaþorpin á Íslandi fjármagna atvinnueflingu ungs fólks í Sómalílandi eins og við höfum áður greint frá.
Sjá einnig: Ætlaði í bifvélavirkjun en opnaði saumastofu
SOS fjölskylduvinur
SOS fjölskylduvinur
SOS-fjölskylduvinir styðja barnafjölskyldur í sárafátækt og koma í veg fyrir að börn verði vanrækt og yfirgefin. Við fylgjum foreldrunum út úr fátækt þangað til þeir standa á eigin fótum og geta séð fyrir börnum sínum. Þú ákveður styrktarupphæðina og færð reglulega uppýsingar um verkefnin sem við fjármögnum með þinu framlagi.