Fréttayfirlit 3. nóvember 2015

SOS hjúkrunarfræðingur alvarlega slasaður



SOS hjúkrunarfræðingurinn Alain Mpanzimana slasaðist alvarlega í síðustu viku í hörðum skotbardaga í höfuðborg Búrúndí, Bujumbura. Átökin voru á milli öryggissveitar á vegum stjórnvalda og óþekktra byssumanna en sjö manns létust í bardaganum og margir slösuðust alvarlega, þar á meðal Alain.

Átökin hófust þegar byssumennirnir köstuðu handsprengjum í átt að lögreglustöðinni í Bujumbura. Alain stóð fyrir utan heimili sitt sem staðsett er við hliðina á lögreglustöðinni og fékk sprengjubrot í sig. Alain var fluttur á sjúkrahús en líðan hans er eftir atvikum.

Allt frá því að forseti Búrúndí, Pierre Nkurunziza, tilkynnti að hann ætlaði að bjóða sig fram til forseta þriðja kjörtímabilið í röð, gegn stjórnarskrá landsins, hafa harðir bardagar staðið yfir þar. Liliane Habonimana, starfsmaður SOS Barnaþorpanna í Búrúndí segir öryggi almennings stöðugt vera ógnað.

„Fólk er hrætt um líf sitt og í hvert sinn sem það heyrist skothljóð úr fjarlægð tæmast göturnar. Spennan er óbærileg,“ segir Liliane en að minnsta kosti 200 manns hafa látist í átökum og 200 þúsund óbreyttir borgarar hafa þurft að flýja heimili sín vegna ástandsins.

Nýlegar fréttir

Skrifstofan lokuð tímabundið en starfsemi í gangi
27. okt. 2025 Almennar fréttir

Skrifstofan lokuð tímabundið en starfsemi í gangi

Skrifstofa SOS Barnaþorpanna í Hamraborg í Kópavogi er lokuð tímabundið vegna reykskemmda. Starfsemi okkar fer þó fram í fjarvinnu og er hægt að hafa samband í síma og í tölvupósti.

39 þolendur fengu stuðning og sex gerendur voru kærðir
22. okt. 2025 Almennar fréttir

39 þolendur fengu stuðning og sex gerendur voru kærðir

Verkefni SOS Barnaþorpanna í Tógó sem fjármagnað er af Íslendingum, „Efling baráttunnar gegn kynferðislegri misnotkun á börnum í Ogou-héraði“, hefur skilað áþreifanlegum árangri. 39 þolendur fengu stu...