SOS á Ís­landi send­ir rúm­ar 3 millj­ón­ir króna til Haítí

SOS Barna­þorp­in á Ís­landi munu á næstu dög­um senda 3.166.690 krón­ur til SOS á Haítí vegna neyð­ar­að­gerða þar í kjöl­far jarð­skjálfa í ág­úst sl. Í neyð­ar­söfn­un í haust safn­að­ist 1.166.690 króna og vilj­um við þakka al­menn­ingi af öllu hjarta fyr­ir að bregð­ast svona vel við ákalli okk­ar. SOS á Ís­landi bæt­ir við tveim­ur millj­ón­um króna úr neyð­ar­sjóði sam­tak­anna og verð­ur þessu heild­ar­fram­lagi okk­ar Ís­lend­inga var­ið í neyð­ar­að­gerð­ir á Haítí.

Enn rík­ir ringul­reið þar eft­ir skjálfta að stærð­inni 7,2 sem reið yfir vest­ur­hluta eyj­unn­ar 14. ág­úst og neyð­in er mik­il. SOS Barna­þorp­in og fleiri hjálp­ar­sam­tök eru á staðn­um en helstu verk­efni SOS eru að tryggja ör­yggi og vel­ferð barna og fjöl­skyldna þeirra.

For­gangs­verk­efni SOS á Haítí eru m.a. upp­setn­ing á barn­væn­um svæð­um og að veita um­komu­laus­um börn­um stuðn­ing og börn­um sem hafa orð­ið við­skila við fjöl­skyld­ur sín­ar. Rík áhersla er á að sam­eina fjöl­skyld­ur. Þá hef­ur SOS skóli í Les Cayes ver­ið opn­að­ur fyr­ir nem­end­ur, SOS send­ir starfs­fólk til að hjálpa í neyð­ar­skýl­um og ver­ið er að setja á lagg­irn­ar fjöl­skyldu­hjálp. Sam­hliða þessu er SOS einnig að að­stoða starfs­fólk okk­ar sem skjálft­inn kom illa nið­ur á.

Skóla­göngu 230 þús­und barna ógn­að

Raun­veru­leg hætta er á að yfir 230 þús­und börn hætti í skóla ef skól­ar opna ekki fljótt aft­ur. Skað­leg­ar af­leið­ing­ar þess yrðu óbæt­an­leg­ar. Tíu þús­und pökk­um með skóla­gögn­um verð­ur dreift til barna sem jarð­skjálft­inn kom verst nið­ur á og fleiri nem­end­ur fá að­stoð eft­ir því sem þörf­in kem­ur bet­ur í ljós.

Sam­kvæmt síð­ustu upp­lýs­ing­um frá Haítí hafa 2.207 fund­ist látn­ir, 320 er enn sakn­að, 12.268 eru særð­ir, 52.952 hús eyði­lögð­ust og 77.066 hús urðu fyr­ir skemmd­um.

Fé­lags­hag­fræði­leg áhrif mik­il

Fé­lags­hag­fræði­leg áhrif skjálft­ans versna með hverj­um degi. At­vinnu­leysi er að aukast þar sem starf­semi fyr­ir­tækja hef­ur víða lagst nið­ur eða hrein­lega þurrk­ast út. Fjöl­skyld­ur upp­lifa fæðuóör­yggi í aukn­um mæli, þung­an­ir stúlkna á barns­aldri aukast sem og af­brot, sér­stak­lega með­al ung­linga­gengja.

Skjól­stæð­ing­ar SOS Barna­þorp­anna á Haítí eru um 11.700 tals­ins en bú­ast má við að þeim fjölgi veru­lega á næst­unnii. Um 1300 þeirra eru börn og ung­menni í barna­þorp­um en aðr­ir eru ósjálf­bjarga barna­fjöl­skyld­ur í fjöl­skyldu­efl­ingu. 

Þrjú SOS barna­þorp eru á Haítí og er eitt þeirra, Les Cayes, er skammt frá upp­tök­um skjálft­ans. All­ir sluppu heil­ir á húfi í barna­þorp­un­um en mikl­ar skemmd­ir urðu hins veg­ar á vatnstanki í barna­þorp­inu í Les Cayes.

Yfir 120 Ís­lend­ing­ar eru SOS for­eldr­ar barna í hinum tveim­ur barna­þorp­un­um á Haítí.