Síðasta SOS-fréttablað ársins komið út
Þá er síðasta SOS-fréttablað ársins komið út og berst það inn um bréfalúguna hjá styrktaraðilum um jólin. Rafræna útgáfu blaðsins má nálgast núna á heimasíðu SOS, líkt og öll önnur fréttablöðin okkar. Forsíðuviðtalið að þessu sinni er við Lísu Margréti Sigurðarsdóttur sem hefur verið SOS-foreldri tveggja barna síðan hún var aðeins 18 ára.
Rætt er við Guðrúnu Kristinsdóttur sem prjónaði 57 lopapeysur á öll börn og allt starfsfólk í SOS barnaþorpi í Rúmeníu, Svala Davíðsdóttir segir frá þriggja mánaða dvöl sinni í Nepal þar sem hún vann sjálfboðaliðstörf við kennslu í þremur SOS barnaþorpum og Senía Guðmundsdóttir segir frá því af hverju hún er í ungmennaráði SOS.
Styrktaraðilar SOS fá líka innsýn í nýhafið Fjölskyldueflingarverkefni á Filippseyjum sem fjármagnað er af SOS á Íslandi og fjallað er um Sólblómaleikskóla SOS, Öðruvísi jóladagatal SOS og skemmtilega söfnun nemendafélags FSu fyrir SOS.
Þá er sögð saga 11 ára drengs í Sýrlandi sem hafði ekki gengið í skóla í þrjú ár eða þangað til SOS á Íslandi fjármagnaði enduruppbyggingu skólans hans í Aleppó.
Nýlegar fréttir
Fleiri feður virkir í uppeldi barna sinna í Úganda
SOS Barnaþorpin vinna að því að styrkja 200 viðkvæmar barnafjölskyldur í Úganda svo þær geti staðið á eigin fótum. Verkefnið nær til um 1.500 barna og ungmenna auk annarra í nærsamfélaginu. Fjölskyldu...
Um 100 barnafjölskyldur í Eþíópíu komnar langleiðina út úr sárafátækt
SOS fjölskylduvinir á Íslandi mega aldeilis vera stoltir af fjölskyldum sem taka þátt í verkefni okkar í Arba Minch í Eþíópíu. Stefnt er að því að allt að 100 barnafjölskyldur geti útskrifast og forml...