Peningagjöf eykur framtíðarmöguleika styrktarbarnsins
Framtíðarreikningur SOS Barnaþorpanna er frábær leið til að auka möguleika styrktarbarns þíns í framtíðinni. Þær peningagjafir sem lagðar eru inn á þennan reikning fara óskiptar til viðkomandi barns. SOS barnið fær sjóðinn afhentan þegar það yfirgefur þorpið og fer að standa á eigin fótum. Algengt er að sjóðurinn nýtist til íbúðarkaupa eða fjármögnunar á frekara námi.
Styrktarforeldrar ráða sjálfir peningaupphæðinni hverju sinni. Einfaldast er að greiða inn á framtíðarreikninginn á Mínum síðum hér á heimasíðunni okkar.
Einnig er hægt að leggja beint inn á reikninginn.
Framtíðarreikningur SOS: 0334-26-51092
Kennitala: 500289-2529
Nóg er að kennitala styrktarforeldris komi fram í greiðslunni svo peningagjöfin berist á barninu/ungmenninu. Þegar styrktarbarni er gefin peningagjöf fær styrktarforeldri sent þakkarbréf þar sem staðfest er að gjöfin hafi borist.
Þetta nýta sér fjölmargir SOS-foreldrar og hvetjum ykkur eindregið til þess að auka framtíðarmöguleika ykkar styrktarbarns með þessum hætti.
Tvíburasysturnar Alinafe og Sopani notuðu framtíðarsjóð til að stofna leikskóla og hefur starfsemi þeirra skapað fleira fólki atvinnu.
Nýttu framtíðargjafir til að stofna leikskóla
Þegar tvíburasysturnar Alinafe og Sopani fluttu úr SOS barnaþorpi í Malaví og fóru að standa á eigin fótum kom sér aldeilis vel fyrir þær að eiga framtíðarsjóð sem í höfðu safnast peningagjafir frá SOS-foreldrum þeirra öll uppeldisárin. Þær notuðu hluta sjóðsins til að stofna leikskóla og nýttu menntun sína til að hefja rekstur og hjálpa börnum á heimaslóðum sínum. Starfsemi systranna hefur gengið framar vonum og skapað fleira fólki atvinnu.
Sjá einnig: Framtíðarsjóðurinn nýttist til að byggja hús
Nýlegar fréttir
Ástandið versnar hratt á Gasa - SOS gefur út yfirlýsingu
Mannúðarástandið á Gasa í Palestínu hefur versnað hratt á síðustu dögum og SOS Barnaþorpin eru meðal hjálparsamtaka sem glíma við hindranir í starfi þar.
Súdanir eygja von í mestu mannúðarkrísu í heimi
Rúmlega 500 manns sneru á dögunum aftur heim til sín með aðstoð SOS Barnaþorpanna í Súdan eftir á annað ár á vergangi. Þó þessir flutningar gefi fólki í landinu von er enn langt í land því innviðir la...