Nýtt SOS-blað komið út

Nýtt SOS-blað er komið út og er það að venju aðgengilegt hér á heimasíðunni. Breytt fyrirkomulag er nú á dreifingu blaðsins sem hingað til hefur verið sent í pósti til styrktaraðila. Blaðinu er að þessu sinni dreift með aldreifingu Morgunblaðsins á höfuðborgarsvæðinu en mánaðarlegir styrktaraðilar á landsbyggðinni fá blaðið í pósti.
Þetta gerum við til að bregðast við hækkandi útburðarkostnaði enda leitum við alltaf leiða til að hafa kynningarkostnað sem lægstan svo sem mesta fjármagnið fari í að hjálpa börnum. Fari svo að blaðið berist ekki til þín þá geturðu lesið það rafrænt hér. Ef þú fékkst ekki blaðið en vilt fá það sent í pósti er þér velkomið að senda okkur póst á sos@sos.is og óska eftir því.
Hafa styrkt börn hjá SOS frá aldamótum
Forsíðuviðtalið að þessu sinni er við hjónin Vöndu Sigurgeirsdóttur og Jakob Frímann Þorsteinsson sem hafa styrkt börn í SOS barnaþorpum samfleytt frá aldamótum. Hjónin Sesselja Sigurborg Ómarsdóttir og Halldór Eyjólfsson létu þann draum sinn rætast í nóvember sl. þegar þau heimsóttu styrktarbarn sitt til 19 ára í Perú. Þau segja frá heimsókninni í SOS-blaðinu þar sem einnig eru frásagnir af börnum og ungmennum í verkefnum okkar erlendis, verkefnum sem fjármögnuð eru af styrktaraðilum SOS á Íslandi.
Nýlegar fréttir

Svona tuttugufaldast framlagið þitt
Þegar þú gefur fjárframlög til góðgerðarmála verður til það sem kallað er félagsleg arðsemi af framlögunum þínum. Í skýrslunni 75 Years Of Impact sem gerð var í tilefni af 75 ára afmæli SOS Barnaþorpa...

Yfirlýsing frá SOS Barnaþorpunum í Palestínu
„SOS Barnaþorpin Palestínu lýsa miklum létti og von og fagna tilkynningu um fyrsta áfanga vopnahlés á Gasa.“ Svona hefst yfirlýsing sem birt var á Facebook síðu samtakanna eftir að tilkynnt var um lan...