Fréttayfirlit 13. janúar 2021

Bréfin um börnin loks að berast styrktarforeldrum

Bréfin um börnin loks að berast styrktarforeldrum

Marga styrktarforeldra er eflaust farið að lengja eftir fréttum af styrktarbörnum sínum en biðin fer nú loks að taka enda. Bréfin eru þegar farin að berast inn um lúguna en einhverjir gætu þurft að bíða út febrúarmánuð þó það verði frekar óalgengt.

Af þessu tilefni viljum við ítreka upplýsingar frá okkur þess efnis að á síðasta ári þurftu SOS Barnaþorpin að víxla sumar- og vetrarbréfunum vegna heimsfaraldursins. Hömlur á heimsóknum í barnaþorpin vegna sóttvarnaraðgerða gerðu starfsfólki SOS erfiðara fyrir með að safna upplýsingum um börnin og kom það niður á þessari þjónustu við styrktarforeldra. Þeir sem lengst hafa beðið hafa því ekki fengið fréttir af styrktarbarninu sínu síðan 2019.

Vetrarbréfin á rafrænu formi

Vegna Covid-19 hefur póstþjónusta víða um heim verið í lamasessi og þar af leiðandi hafa margir styrktarforeldrar og barnaþorpsvinir heldur ekki fengið vetrarbréfin sem innihalda almennar fréttir úr barnaþorpinu. Þess vegna hafa þessi bréf verið gerð aðgengileg á rafrænu formi hér. Vetrarbréfin fóru í dreifingu sl. sumar af fyrrgreindri ástæðu.

Þegar þú smellir á VETRARBRÉFIN Á RAFRÆNU FORMI í græna kassanum hér fyrir neðan geturðu nálgast vetrarbréfið frá barnaþorpinu þínu. Þú byrjar á að leita eftir landinu sem þorpið er í. ATHUGIÐ að í vetrarbréfinu að þessu sinni eru almennar fréttir úr barnaþorpinu en einstaklingsmiðaðar fréttir af styrktarbarni þínu eru í sumarbréfinu sem þessa dagana er að berast styrktarforeldrum.

VETRARBRÉFIN Á RAFRÆNU FORMI

Áhrif Covid-19 á styrktaraðila SOS

Við viljum einnig ítreka að Covid-19 hefur önnur smávægileg áhrif á styrktarforeldra og barnaþorpsvini eins og greint var frá í þessari frétt á síðasta ári.

Við þökkum ykkur kærlega fyrir stuðninginn og skilninginn.

Nýlegar fréttir

Óbreytt stjórn SOS á Íslandi
19. maí 2022 Almennar fréttir

Óbreytt stjórn SOS á Íslandi

Aðalfundur SOS Barnaþorpanna á Íslandi fór fram í gær, miðvikudaginn 18. maí. Þetta er fyrsti aðalfundurinn eftir lagabreytingar síðasta árs þess efnis að fulltrúaráð var lagt niður og í stað þess kjó...

18 staðir Gleðipinna og 18 styrktarbörn
16. maí 2022 Almennar fréttir

18 staðir Gleðipinna og 18 styrktarbörn

Starfsfólk veitinga- og afþreyingarfélagsins Gleðipinna hefur ákveðið að styðja við starf SOS Barnaþorpanna með því að gerast SOS-foreldrar 18 barna í SOS barnaþorpum víðsvegar um heiminn. Það þýðir e...