Annað fréttablað ársins komið út
Fréttablað SOS Barnaþorpanna er nú komið úr prentun og berst styrktaraðilum í pósti á næstu dögum. Þetta er annað tölublað ársins af þremur og í því eru að venju greinar, viðtöl og myndir sem eiga erindi við alla þá sem leggja samtökunum lið.
Í blaðinu eru meðal annars viðtöl við íslenska styrktarforeldra og styrktarbörn þeirra í Nepal, HM kveðjur til íslenska karlalandsliðsins í fótbolta frá SOS barnaþorpum í Eþíópíu og Mexíkó, myndir frá góðgerðar- og fjölskylduhlaupinu „Skór til Afríku“ sem haldið var við Rauðavatn í sumar, upplýsingar úr ársskýrslu SOS Barnaþorpanna á Íslandi og frásögn af fjölskyldueflingarverkefni í Eþíópíu sem SOS Branaþorpin á Íslandi fjármagna.
Fréttablaðið má líka nálgast hér á heimasíðu okkar eins og öll fyrri fréttablöð okkar
Fréttablað SOS Barnaþorpanna á Íslandi er liður í fjáröflun samtakanna og fyrir frjáls framlög er reikningsnúmerið eftirfarandi:
Rknr. 0130-26-9049
Kennitala: 500289-2529
Einnig er hægt að hringja í símanúmerið 907 1001 og gefa þannig 1000 krónur í stakt framlag til SOS Barnaþorpanna.
Kærar þakkir fyrir stuðninginn.
Nýlegar fréttir
Fræðsluspjall um erfðaskrár
Íslendingar eru í auknum mæli farnir að gera erfðaskrár og þeim fjölgar sem láta eignir sínar að hluta eða öllu leyti renna til góðgerðarsamtaka. En hvað má maður ráðstafa miklum hluta eigna sinna ef ...
Íslenskt verkefni nær til 1200 barna í 300 fjölskyldum í Malaví
Nú í vikunni hófst formlega nýtt verkefni í fjölskyldueflingu í Malaví sem er styrkt af Íslendingum með stuðningi SOS fjölskylduvina og Utanríkisráðuneytisins. Verkefnið er til þriggja ára og mun ná t...