Áhugi á stuðningi í Namibíu
Við hjá SOS á Íslandi höfum undanfarna daga verið að fá fyrirspurnir frá fólki sem vill styrkja SOS Barnaþorpin í Namibíu. Við ákváðum að bregðast við þessum jákvæða áhuga og hefur athugun okkar leitt í ljós að mjög mikil þörf er fyrir stuðningi hjá SOS í Namibíu við rekstur barnaþorpanna þriggja sem þar eru.
Við viljum benda áhugasömum á að sérstök SOS-styrktarleið er fyrir slíkan stuðning sem heitir „Barnaþorpsvinur“. Þessir styrktaraðilar greiða 3.400 krónur á mánuði og fer framlagið í rekstur barnaþorpanna svo tryggja megi öryggi og velferð þeirra barna sem þar búa. Einfalt er að skrá sig Barnaþorpsvin á heimasíðu okkar og kynna sér nánar hvernig þessum framlögum er ráðstafað. (Mikilvægt er að nefna Namibíu sérstaklega í skráningu)
Annar möguleiki er að gerast SOS-foreldri barns í barnaþorpi í Namibíu með mánaðarlegu framlagi upp á 3.900 krónur sem fer í framfærslu barnsins. (Mikilvægt er að nefna Namibíu sérstaklega í skráningu)
Þessir styrktaraðilar fá reglulega send bréf með fréttum og myndum af börnunum og þorpunum.
Kærar þakkir fyrir stuðninginn.
Nýlegar fréttir
Ísland styður við samfélög á átakasvæðum í Eþíópíu
SOS Barnaþorpin á Íslandi koma að fjármögnun á nýju verkefni í Eþíópíu sem miðar að endurreisn og mannúðaraðstoð í samfélögum sem eru að fást við afleiðingar hernaðarátaka. Verkefninu er ætlað að ná t...
Erfðagjöf Baldvins fjármagnar kaup á húsum fyrir SOS fjölskyldur á Máritíus
SOS Barnaþorpin á Íslandi hafa ákveðið að fjármagna kaup á þremur húsum fyrir munaðarlaus og yfirgefin börn á eyjunni Máritíus. SOS á Íslandi sendir 31,5 milljónir króna til húsnæðakaupanna og er um a...