Abby ætl­ar að verða frétta­kona

Abby á heima í Tanz­an­íu. Abby lang­ar til að verða frétta­kona þeg­ar hún verð­ur stór og er þeg­ar byrj­uð að æfa sig. Hún er for­vit­in um fjöl­skyld­ur og tengsl og tók því nokk­ur við­töl við fjöl­skyldu sína og vini til að skilja við­fangs­efn­ið bet­ur.

Við hitt­um Abby og feng­um að fylgj­ast með degi í lífi henn­ar. Þetta er þó ekki í fyrsta skipti sem Abby býr til frétta­þætti. Í covid bjó hún til nokkra þætti með syst­ur sinni. Þætt­irn­ir fjöll­uðu með­al ann­ars um mik­il­vægi hand­þvott­ar og hvernig megi láta tím­ann líða í út­göngu­banni.

Myndband með heimsókn okkar til Abbyjar má sjá hér.

Hár­greiðslu­kon­an hluti af fjöl­skyld­unni

Fyrst ræð­ir Abby við ná­granna sinn, hana Sa­binu. Sa­bina er hár­greiðslu­kona og Abby not­ar tæki­fær­ið og fær nýja greiðslu á með­an þær ræða sam­an. Sa­bina og Abby tengj­ast sterk­um bönd­um þó þær séu ekki líf­fræði­lega skyld­ar. Sa­bina pass­ar Abby til dæm­is oft þeg­ar mamma henn­ar er ekki heima. Fjöl­skyld­urn­ar hjálp­ast að.

Abby seg­ir Sa­binu frá frétta­konu­draumn­um sín­um. Sa­binu líst vel á það og hvet­ur hana til þess að vera dug­lega í skól­an­um. Mað­ur þarf að leggja sig fram ef mað­ur vill láta drauma sína ræt­ast. Við eig­um öll að hafa sömu tæki­færi til að starfa við það sem við vilj­um.

Abby er mjög ánægð með hár­greiðsl­una og er afar þakk­lát frá­bæra ná­granna sín­um, henni Sa­binu. Abby hef­ur kom­ist að þeirri nið­ur­stöðu að Sa­bina sé part­ur af fjöl­skyldu henn­ar því hún sé frá­bær vin­ur sem er alltaf til stað­ar.

Við­tal við mömmu

Abby ætl­ar nú að taka við­tal við mömmu sína um tengsl og hvaða merk­ingu sterk tengsl hafa fyr­ir henni. Á með­an Abby tek­ur við­tal við mömmu sína baka þær chapati, þær þurfa að blanda sam­an hveiti, olíu, sykri og salti, svo bæta þær vatni við seinna.

Mamma Abbyj­ar ræð­ir um sterk tengsl og hvaða merk­ingu þau hafa fyr­ir henni. Hún seg­ir henni að allt fólk­ið í kring­um Abby sem þyk­ir vænt um hana sé dæmi um sterk tengsl, hún, mamma henn­ar, pabbi og systkini.

Að sakna ná­kom­inna efl­ir sjálf­stæð­ið

Abby mun fara í heima­vist­ar­skóla þeg­ar hún verð­ur eldri. Hún spyr mömmu sína hvernig þær geti við­hald­ið sam­band­inu þó þær búi langt frá hvor ann­arri. Mamma henn­ar hef­ur reynslu af því að búa á heima­vist. Henni fannst það erfitt en það gerði hana sjálf­stæð­ari og sterk­ari.

Þó mað­ur sé ekki alltaf sam­an þá get­ur mað­ur samt hald­ið nán­um tengsl­um. Og þeg­ar mað­ur sakn­ar ein­hvers mik­ið þá er hægt að rifja upp skemmti­leg­ar minn­ing­ar með við­kom­andi. Abby tek­ur líka mynd­ir til að muna eft­ir öll­um skemmti­legu hlut­un­um sem hún ger­ir með fjöl­skyldu sinni og vin­um, svo hún muni bet­ur eft­ir þeim.

Abby er þarna að snerta á um­fjöll­un­ar­efni sem skipt­ir öll börn í heimi mestu máli. Sem barn, þarftu á ein­hverj­um að halda sem er ekki sama um þig. Ein­hverj­um sem stend­ur með þér skil­yrð­is­laust. Þetta er ein­mitt til­gang­ur­inn með starfi SOS Barna­þorp­anna sem leggja mikla áherslu á tengsl barna við for­eldra.