Viltu gefa styrktarbarni þínu gjöf inn á framtíðarreikning?

Styrktarforeldrar fá senda svokallaða gjafaseðla næstu daga en sá er ætlaður til að minna styrktarforeldra á möguleikann að gefa styrktarbarni sínu peningagjöf inn á framtíðarreikning.

Um er að ræða sérstakan gjafareikning SOS Barnaþorpanna á Íslandi en þú ákveður sjálf/sjálfur upphæðina hverju sinni. Mikilvægt er að kennitala styrktarforeldris komi fram svo rétt barn fái gjöfina.

Þær peningagjafir sem greiddar eru inn á þennan reikning fara óskiptar til viðkomandi barns. Upphæðin er svo lögð inn á framtíðarreikning í viðkomandi landi á nafni barnsins og fær barnið svo peninginn þegar það yfirgefur þorpið og fer að standa á eigin fótum.

Þegar styrktarbarni er gefin peningagjöf fær styrktarforeldri sent þakkarbréf frá skrifstofu SOS Barnaþorpanna þar sem staðfest er að gjöfin hafi borist.

Um er að ræða frábæra leið til að auka möguleika barnsins þíns enn frekar í framtíðinni en til að mynda er algengt að sjóðurinn nýtist til íbúðarkaupa eða fjármögnunar á frekara námi.

Ef þú vilt gefa styrktarbarninu þínu peningagjöf, vinsamlegast leggðu þá inn á reikning: 0334-26-51092, kennitala: 500289-2529.