Var innheimt tvöfalt af kortinu þínu?
Kerfisvilla varð til þess að innheimt var tvöföld upphæð hjá sumum mánaðarlegum styrktaraðilum SOS Barnaþorpanna á Íslandi í dag, mánudaginn 14. september. Þetta á við um styrktarforeldra, barnaþorpsvini og fjölskylduvini sem greiða með kreditkortum frá Mastercard. Unnið er að leiðréttingu og verður aukarukkunin bakfærð fljótlega, vonandi í dag. Endurgreiðsluferlið ætti vonandi ekki að taka fleiri en einn til tvo daga.
Við vorum að taka í notkun nýtt tölvukerfi hér á skrifstofunni okkar sem á að bæta þjónustu við styrktaraðila. Þetta var því ekki byrjunin sem við vonuðumst eftir svo fall er vonandi fararheill í þessu tilfelli.
Við biðjumst innilegrar afsökunar á þeim óþægindum sem þetta kann að valda og biðjum viðkomandi styrktaraðila um að láta okkur vita ef endurgreiðslan dregst á langinn.
Með kærri kveðju og þökk fyrir stuðninginn,
starfsfólk SOS Barnaþorpanna á Íslandi
Nýlegar fréttir
SOS Barnaþorpin styrkja starf fyrir fósturbörn á Íslandi
SOS Barnaþorpin hafa ráðstafað einni milljón króna af erfðagjöf Baldvsins Leifssonar í styrk til Félags fósturforeldra á Íslandi. Tilgangur styrksins er að efla starf félagsins í þágu fósturbarna hér ...
Gleðitár flæddu þegar Hafdís og Ambika hittust loksins
Tilfinningaþrungin stund var á skrifstofu SOS Barnaþorpanna á Íslandi og gleðitárin flæddu þegar Ambika Sharma og Guðrún Hafdís Karlsdóttir hittust loks, 33 árum eftir að Hafdís gerðist styrktarforeld...