Valdi börnin frekar en nýjan bíl
SOS Barnaþorpunum barst í vikunni höfðingleg gjöf frá Pálmari Ragnarssyni, 600.000 krónur sem renna til SOS Barnaþorpanna í Mexíkó. Pálmar var á tveggja mánaða ferðalagi um Mexíkó þar sem hann varð vitni að mikilli fátækt. Úr varð að Pálmar ákvað að gefa eina milljón króna til SOS Barnaþorpanna og Barnaheilla og fer upphæðin í hjálparstarf fyrir munaðarlaus börn í Mexíkó.
„Það er svo rosalegur munur á því hvernig við höfum það hér á Íslandi miðað við í Mexíkó. Ég var í stöðu til að gera eitthvað í málunum og sá að þarna get ég gert eitthvað sem skiptir máli.“
Pálmar sem er 34 ára fyrirlesari og körfuboltaþjálfari hafði verið í þeim hugleiðingum að kaupa sér nýjan bíl því bíllinn hans er orðinn 11 ára gamall. „En nú þegar ég sé hlutina í öðru samhengi þá dugir þessi bíll mér alveg. Það eru aðrir sem þurfa meira á peningnum að halda. Ég vil frekar bæta aðstæður munaðarlausra barna í Mexíkó.“
Við hjá SOS Barnaþorpunum þökkum Pálmari innilega fyrir þessa óeigingjörnu, hjartahlýju og höfðinglegu gjöf.
Ragnar Schram, framkvæmdastjóri SOS Barnaþorpanna á Íslandi, tók við gjöfinni frá Pálmari.
Nýlegar fréttir
Um 100 barnafjölskyldur í Eþíópíu komnar langleiðina út úr sárafátækt
SOS fjölskylduvinir á Íslandi mega aldeilis vera stoltir af fjölskyldum sem taka þátt í verkefni okkar í Arba Minch í Eþíópíu. Stefnt er að því að allt að 100 barnafjölskyldur geti útskrifast og forml...
13 milljónir til Nepal: Minnst 107 börn hafa orðið viðskila við foreldra sína
SOS Barnaþorpin á Íslandi hafa ákveðið að senda 13 milljónir króna til neyðaraðgerða SOS í Nepal eftir mannskæðu flóðin sem þar skullu á 26. ágúst sl. Mikill fjöldi Íslendinga hefur bæði gefið stök fr...