Fréttayfirlit 21. september 2016

SOS Barnaþorpin skipuleggja aðgerðir eftir eldsvoðann í Moria-búðunum á Lesbos



Eldsvoði í flóttamannabúðunum Moria á eyjunni Lesbos í Grikklandi eyðilagði stóran hluta búðanna síðastliðinn mánudag. SOS Barnaþorpin halda þar utan um barnvænt svæði þar sem börn og ungmenni hafa öruggt svæði til að leika og læra. Um 5400 flóttamenn búa í Moria, þar af 94 fylgdarlaus börn, en almennt hafa búðirnar pláss til að hýsa um 3500 flóttamenn.

Eftir að eldur braust út í Moria hafa SOS í Grikklandi setið fundi með umsjónarmönnum flóttamannabúðanna til að bjóða börnum og fjölskyldum sem þurft hafa að yfirgefa búðirnar skyndihjálp og sálrænan stuðning.

”Við erum tilbúin til að hjálpa en hvetjum þó stjórnvöld til að bregðast skjótt við og endurbyggja flóttamannabúðirnar í Moria með öllum nauðsynlegum innviðum til að skapa öruggt og tryggt umhverfi fyrir alla íbúa. Við hvetjum einnig stjórnvöld til að setja umönnun og vernd berskjaldaðra barna í forgang, þar á meðal fylgdarlausra barna og barna sem hafa orðið viðskila við foreldra sína,” segir George Protopapas, forstjóri SOS í Grikklandi.  

Nýlegar fréttir

Svona tuttugufaldast framlagið þitt
15. okt. 2025 Fjölskylduefling

Svona tuttugufaldast framlagið þitt

Þegar þú gefur fjárframlög til góðgerðarmála verður til það sem kallað er félagsleg arðsemi af framlögunum þínum. Í skýrslunni 75 Years Of Impact sem gerð var í tilefni af 75 ára afmæli SOS Barnaþorpa...

Yfirlýsing frá SOS Barnaþorpunum í Palestínu
10. okt. 2025 Almennar fréttir

Yfirlýsing frá SOS Barnaþorpunum í Palestínu

„SOS Barnaþorpin Palestínu lýsa miklum létti og von og fagna tilkynningu um fyrsta áfanga vopnahlés á Gasa.“ Svona hefst yfirlýsing sem birt var á Facebook síðu samtakanna eftir að tilkynnt var um lan...