Fréttayfirlit 15. maí 2018

SOS Barnaþorpin heiðra kennara

SOS Barnaþorpin heiðra kennara


Alþjóðlegur dagur fjölskyldunnar er í dag þriðjudaginn 15. maí og af því tilefni var hin árlega fjölskylduviðurkenning SOS Barnaþorpanna afhent í þriðja sinn. Að þessu sinni heiðra samtökin kennara í leikskólum, grunnskólum og framhaldsskólum sem vinna óeigingjarnt starf í þágu fjölskyldna. Lilja Alfreðsdóttir menntamálaráðherra veitti viðurkenninguna.

Í umsögn valnefndar segir að kennarar vinni óeigingjarnt starf í þágu fjölskyldna sem jafnvel er unnið utan hefðbundins vinnutíma, til dæmis með aðkomu að fjölskylduvandamálum. Það felst m.a. í samtölum við foreldra, ráðgjöf, aðstoð við heimanám, koma málum í farveg o.m.fl. til að styðja við fjölskylduna.

SOS Barnaþorpin eru stærstu einkareknu barnahjálparsamtökin í heiminum sem sérhæfa sig í að útvega yfirgefnum börnum heimili, foreldra og systkini.

Þeir kennarar sem veittu viðurkenningunni móttöku eru;

*fyrir hönd leikskólakennara, Vilborg Guðný Valgeirsdóttir frá leikskólanum Vallarseli á Akranesi,
*fyrir hönd grunnskólakennara, Íris Dröfn Halldórsdóttir frá Myllubakkaskóla í Reykjanesbæ og Birna Björk Reynisdóttir frá Egilsstaðaskóla,
*fyrir hönd framhaldsskólakennara, Mark Andrew Zimmer frá Menntaskólanum við Hamrahlíð.

Í valnefndinni eru:
*Drífa Sigfúsdóttir, mannauðsráðgjafi
*Sigrún Júlíusdóttir, prófessor í félagsráðgjöf við HÍ
*Nichole Leigh Mosty, verkefnastjóri hjá fjölskyldumiðstöð Breiðholts
*Ragnar Schram, framkvæmdastjóri SOS Barnaþorpanna á Íslandi.

Nýlegar fréttir

Svör við algengum spurningum styrktaraðila vegna Gaza
17. sep. 2025 Almennar fréttir

Svör við algengum spurningum styrktaraðila vegna Gaza

Íslenskir styrktaraðilar vilja eðlilega vita hvort og hvernig framlög þeirra eru að nýtast í þeim aðstæðum sem ríkja á Gaza. Að venju viljum við halda Íslendingum upplýstum um nýtingu á framlögum þeir...

Fjárstuðningur í stafræn veski reynist vel á Gaza
11. sep. 2025 Almennar fréttir

Fjárstuðningur í stafræn veski reynist vel á Gaza

SOS Barnaþorpin gegna lykilhlutverki á Gaza við umönnun munaðarlausra barna í fjölskylduumhverfi, að verja og styðja við börn sem hafa orðið fyrir áföllum auk þess að veita neyðaraðstoð.