Neyðaraðstoð í Mið-Afríkulýðveldinu
SOS Barnaþorpin sinna neyðaraðstoð í Mið-Afríkulýðveldinu en blóðug styrjöld hefur geisað í landinu síðan árið 2013. Talið er að hálf þjóðin, eða rúmar tvær milljónir manna, þurfi á neyðaraðstoð að halda. Aðskilnaður barna og foreldra er stórt vandamál í landinu en talið er að ein og hálf milljón manna sé í hættu.
Eftir að samtökin létu meta aðstæður á svæðinu var ákveðið að leggja mesta áherslu á eftirfarandi þætti:
-Sálræna aðstoð fyrir börn og fjölskyldur þeirra, þar á meðal fjölskyldur sem misst hafa heimili sín.
-Menntun og frístundir fyrir börn og ungmenni.
-Næringu fyrir börn, þungaðar konur og konur með börn á brjósti.
Alls hafa 7500 börn komið í átta barnvæn svæði samtakanna þar sem boðið er upp á heita máltíð, sálræna aðstoð, skemmtun og aðstoð við nám. Þá hafa 450 ungmenni sem sýnt hafa merki um áfallastreituröskum hafið skólavist í SOS skólum. Þar fyrir utan hafa þúsundir barna og foreldra fengið matvælaaðstoð og heilbrigðisþjónustu frá samtökunum á síðustu árum.
Nýlegar fréttir
Allt sem við vitum um ástandið hjá SOS í Palestínu
Við getum staðfest að öll börn á framfæri SOS Barnaþorpanna í Palestínu eru heil á húfi. Þau líða ekki næringarskort, þó það standi tæpt, og sérstök áhersla er lögð á að hlúa að andlegri heilsu þeirra...
855 krónur af hverju þúsund króna framlagi renna í hjálparstarfið
Ársskýrsla SOS Barnaþorpanna fyrir árið 2024 hefur nú verið birt eftir aðalfund samtakanna 19. maí sl. Þar kemur m.a. fram að hlutfall rekstrarkostnaðar er með því allra lægsta sem gerist eða aðeins 1...