Maraþoninu aflýst en söfnun heldur áfram
Eins og fram kom í fréttum hefur Reykjavíkurmaraþoninu 2020 verið aflýst. SOS Barnaþorpin eru meðal góðgerðarfélaga sem njóta góðs af áheitum á hlaupara í maraþoninu. Við viljum því koma á framfæri eftirfarandi upplýsingum sem okkur bárust í tilkynningu frá Íþróttabandalagi Reykjavíkur:
„Góðgerðarfélögin munu halda sínum áheitum þó svo að hlaupið fari ekki fram. Þó að ekki sé hægt að halda maraþonið er samt hægt að láta gott af sér leiða. Sett hefur verið af stað átakið „Hlauptu þína leið" þar sem við hvetjum hlaupara til að hlaupa sjálfir og styrkja í leiðinni góðgerðarfélag að eigin vali. Átakið verður dagana 15.-25. ágúst og verður góðgerðasöfnunin opin til 26. ágúst. Á heimasíðu Reykjavíkurmaraþonsins er hægt að finna tillögur að hlaupaleiðum fyrir Hetjuhlaupið, 3 km skemmtiskokk, 10 km hlaup, hálfmaraþon og maraþon. “
Kærar þakkir fyrir stuðninginn!
Áheit eru gerð á hlaupastyrkur.is
Nýlegar fréttir
280 fjölskyldur standa nú á eigin fótum í Malaví
280 fjölskyldur sem tóku þátt í fjölskylduhjálp SOS Barnaþorpanna í Ngabu í Malaví standa nú á eigin fótum. Mun fleiri fjölskyldur urðu sjálfbjarga en stefnt var að í verkefninu sem fjármagnað var af ...
96% fjölskyldna brutust út úr sárafátækt í Rúanda
96% fjölskyldna sem tóku þátt í fjölskylduhjálp SOS Barnaþorpanna í Rúanda standa nú á eigin fótum. Þær útskrifast því úr þessum fasa verkefnisins og í stað þeirra fá nýjar fjölskyldur tækifæri til að...