Tæland: Börn og starfsfólk óhult

Öll börn og starfsfólk SOS Barnaþorpanna í Tælandi eru heil á húfi eftir stóra jarðskjálftann sem reið yfir landið og nágrannalönd í gær.

Upptök skjálftans urði í nágrannaríkinu Mjanmar en þar eru SOS Barnaþorpin ekki með starfsemi.

Miklar skemmdir urðu víða í Tælandi, m.a. í höfuðborginni þar sem byggingar hrundu til grunna.

SOS Barnaþorpin eru með starfsemi víða í Tælandi og sem fyrr segir sakaði engan í verkefnum samtakanna þar. Byggingarnar virðast heilar, þó enn eigi eftir að kanna ástand þeirra nánar.

Samtökin eiga í góðu samstarfi við yfirvöld og önnur samtök og hafa skýrar neyðaráætlanir tilbúnar ef frekari hamfarir verða.

Þannig yfirgáfu börnin í SOS Barnaþorpinu í Chian Rai öll hús strax og jörð fór að skjálfa í gær en það barnaþorp eru næst upptökum skjálftans.

SOS Barnaþorpin á Íslandi munu upplýsa styrktaraðila barna í Tælandi ef skemmdir eða manntjón verða í verkefnum okkar í landinu líkt og við gerum þegar önnur lönd eiga í hlut.