Fyrsta íslenska jóladagatal SOS
Öðruvísi jóladagatal SOS Barnaþorpanna á Íslandi hefur göngu sína áttunda árið í röð þann 1. desember n.k. Jóladagatalið hefur aldrei verið eins veglegt en það er nú fyrsta sinn alíslenskt og fer leikkonan Vala Kristín Eiríksdóttir yfir allar greinar Barnasáttmálans á skemmtilegan hátt í gegnum stutta þætti.
Barnasáttmálinn og Öðruvísi jóladagatal
Á hverju ári bjóða SOS Barnaþorpin landsmönnum upp á Öðruvísi jóladagatal. Dagatalið er öðruvísi að því leytinu til að í stað þess að opna glugga og fá súkkulaði eða gjöf að launum þá leggjum við áherslu á fræðslu og að gefa af okkur. Í þetta sinn er bak við hvern glugga fræðandi myndband um réttindi barna.
Hér fyrir neðan geturðu séð brot úr nýja jóladagatalinu.
Vala fékk krúttlegan mótleikara í einum þætti.
Íslenskt dagatal
Í ár er dagatalið þó með nýju sniði. SOS Barnaþorpin fengu styrk frá Utanríkisráðuneytinu til að útbúa íslenskt dagatal þar sem farið verður yfir réttindi barna. Leikkonan Vala Kristín Eiríksdóttir fer yfir allar greinar Barnasáttmálans á skemmtilegan hátt í gegnum stutta þætti. Á hverjum degi fáum við líka að sjá myndbrot frá starfi SOS Barnaþorpanna víðs vegar um heiminn og hvernig starfsemin tengist réttindum barna.
Söfnun fyrir Malaví
Samhliða jóladagatalinu er hægt að taka þátt í söfnun þar sem öll framlögin fara í fjölskyldueflingu SOS Barnaþorpanna í Malaví. Fjölskylduefling er verkefni sem hjálpar sárafátækum barnafjölskyldum að standa á eigin fótum til að koma í veg fyrir aðskilnað barna og foreldra þeirra.
Þú finnur jóladagatalið og allar nánari upplýsingar hér
Réttindi barna
Það er á ábyrgð okkar allra að passa upp á réttindi barna og að á þeim sé ekki brotið. Því er mikilvægt að við þekkjum öll Barnasáttmálann og greinar hans. Dagatalið er frábær leið til að læra um réttindi barna en það er að finna á heimasíðu SOS Barnaþorpanna og mun fyrsti glugginn opnast 1. desember.
Dagatalið er framleitt í samvinnu við Þorleif Einarsson og styrkt af Utanríkisráðuneytinu.
Nýlegar fréttir
Ísland styrkir aftur sumarbúðir fyrir stríðshrjáð börn í Úkraínu
SOS Barnaþorpin á Íslandi hafa sent fjárstuðning til sumarbúða í Úkraínu fyrir börn sem hafa orðið fyrir alvarlegum áhrifum af stríðinu. Þar taka börnin þátt í fjölbreyttu starfi sem hjálpar þeim að v...
Tvær og hálf milljón króna til stuðnings viðkvæmum barnafjölskyldum í Namibíu
SOS Barnaþorpin á Íslandi hafa sent 2,5 milljónir króna til verkefnis í fjölskyldueflingu SOS í Namibíu. Verkefnið er unnið til eflingar viðkvæmum barnafjölskyldum og kemur í veg fyrir að þær sundrist...