Ástandið róast í Eþíópíu
Eins og við greindum frá á dögunum voru SOS Barnaþorpin í Eþíópíu reiðubúin til að rýma barnaþorpið í Mekelle, höfuðborg Tigray héraðs vegna stríðsátaka sem þar hafa geisað. Nú berast okkur upplýsingar um að ástandið þar hafi róast talsvert og eru allir heilir á húfi í barnaþorpinu.
Þar búa 234 börn og eiga 38 þeirra SOS-styrktarforeldra á Íslandi. 73 starfsmenn SOS eru í barnaþorpinu. SOS Barnaþorpin vinna að því að tryggja öryggi þeirra í samvinnu við önnur hjálparsamtök á svæðinu.
Ennþá gengur erfiðlega að ná símasambandi við barnaþorpið því boðskiptakerfi hafa legið niðri að mestu en yfirvöld vinna að því að að endurreisa rafmagns- og símalínur.
Nýlegar fréttir
Fleiri lönd leggja niður peningagjafir til styrktarbarna
Í mörg ár hafa SOS-foreldrar geta gefið styrktarbörnum sínum peningagjafir inn á framtíðarreikning sem börnin leysa út þegar þau flytja á brott úr barnaþorpinu og fara að standa á eigin fótum. Fjölmör...
SOS á Íslandi tryggir umönnun barna í Esvatíní
SOS Barnaþorpin á Íslandi hafa ákveðið að styðja við SOS Barnaþorpin í Esvatíní með 15 milljónum króna svo tryggja megi umönnun barna í þeirra umsjá. Fjármunirnir eru gjafir frá einstaklingum hér á la...