Valdir teiknar tilfinningar sínar

Það er ekki alltaf auðvelt að tala um það hvernig manni líður. Stundum er kannski erfitt að koma tilfinningum sínum í orð. Maður upplifir eins og orðin festist í hálsinum og stundum er bara ómögulegt að útskýra tilfinningarnar sínar. Þá getur verið gott að nota aðrar leiðir til að tjá tilfinningar sínar. Það er til dæmis hægt að tjá sig með söng eða dansi, í gegnum ljóð eða með því að teikna tilfinningarnar. Í dag ætlum við að hitta strák sem finnst mjög gaman að teikna, sérstaklega þegar honum líður ekki vel.

Umræðupunktar

• Hvað finnst ykkur gaman að teikna?
• Hefur eitthvert ykkar prófað að teikna tilfinningu eða einhverja hugsun? Er það létt/erfitt, gott/slæmt?
• Hvað gerist þegar maður setur erfiðar tilfinningar eða hugsanir niður á blað?
• Getið þið komið með uppástungu um hvað maður getur gert ef manni líður illa eða eitthvað er erfitt? (Dansa, hlaupa, skrifa ljóð, hoppa á trampólíni, fara í fótbolta, körfubolta, handbolta, tala við fjölskyldu/vini.)
• Þekkið þið einhvern listamann sem er þekktur fyrir að teikna/mála? (Muggur, Erró, Kjarval, Leonardo da Vinci.)

Stafarugl dagsins:
Hvað gerir Valdir til að takast á við tilfinningar sínar? Hann ____________
Bókstafur 1 fer í reiti nr. 6, 18, 24 og 25