Eliza Reid

Rithöfundur og fyrrverandi forsetafrú. Eliza gerðist velgjörðarsendiherra SOS Barnaþorpanna árið 2016, þá nýorðin forsetafrú. Hún hefur komið að starfi SOS með ýmsum hætti sem velgjörðasendiherra og m.a. heimsótt starfsemi samtakanna í Jórdaníu og Búlgaríu.

Í þeim ferðum, og öðrum ferðum sínum um heiminn, hefur hún séð hve mikilvægt er að samtök eins og SOS Barnaþorpin séu til staðar fyrir þau börn sem höllustum fæti standa í sínu samfélagi. Hún er að auki fjög­urra barna móð­ir og þekk­ir mik­il­vægi fjöl­skyld­unn­ar vel.

Eva Ruza Milj­evic

Eva Ruza Miljevic gerðist velgjörðasendiherra SOS Barnaþorpanna í desember 2023. Eva Ruza er fjölhæfur og landsþekktur skemmtikraftur, eiginkona og tveggja barna móðir sem endurspeglar gildi SOS Barnaþorpanna um mikilvægi þess að ala börn upp í kærleiksríkri fjölskyldu. Hún kemur úr stórri og samheldinni fjölskyldu sem öll styrkir börn hjá SOS Barnaþorpunum.

Hera Björk Þórhallsdóttir

Hera var útnefnd velgjörðasendiherra SOS Barnaþorpanna árið 2009. Hún hefur ítrekað sungið sig inn í hjörtu landsmanna á undanförnum árum og gildir þá einu hvort um sé að ræða hljómplötur, leiksýningar, söngvakeppnir eða sjónvarpsþætti. Hera starfar sem söngkona, söngkennari og fasteignasali.

Hera hefur á þessum langa tíma heimsótt SOS barnaþorp víða og eftirminnileg er frásögn hennar af heimsókn í barnaþorp í bæði Palestínu og Ísrael þegar hún var við skemmtanahald í tengslum við Eurovision söngvakeppnina 2019. Hera segir á hjartnæman hátt frá þeirri heimsókn í þessu myndbandi.

Rúrik Gíslason

Rúrik varð velgjörðasendiherra SOS Barnaþorpanna í september árið 2018. Rúrik er fyrrverandi atvinnumaður í fótbolta sem á að baki yfir 50 leiki með A-landsliði Íslands en lagði skóna á hilluna árið 2020. Hann er sannkallaður þúsundþjalasmiður og hefur leikið í kvikmyndum og sjónvarpsþáttum, bæði hérlendis sem erlendis, gefið út tónlist og er meðlimur í hinni vinsælu hljómsveit Iceguys.

Rúrik hefur búsetu bæði á Íslandi og í Þýskalandi þar sem starfsemi SOS Barnaþorpanna er einna umfangsmest. Hann hefur um árabil látið sig góðgerðarmál varða og er góð fyrirmynd. Árið 2022 var gerður sjónvarpsþáttur um heimsókn Rúriks í SOS barnaþorp í Malaví þar sem hann hitti styrktarbarn sitt.