Fréttayfirlit

Viðbótarstyrkur til neyðaraðstoðar í Kólumbíu

SOS Barnaþorpin á Íslandi hafa veitt 50.000 Evrur eða tæpar 7 milljónir króna í viðbótarframlag til aðstoðar við flóttafjölskyldur frá Venesúela í Kólumbíu. Ástandið hefur stigversnað undanfarna mánuði og SOS Barnaþorpin í Kólumbíu gera allt sem í þeirra valdi stendur til að takmarka þau slæmu áhrif sem ástandið hefur á börn.

„Það er mjög brýnt að flóttabörnin fái athygli. Í okkar umsjá fá þau sumt af því sem þau þurftu að skilja eftir heima; leikföng og vini en umfram allt ástríkt heimili,“ segir Angela Rosales, framkvæmdastjóri SOS í Kólumbíu.

Venezuela_2019_infographic_displacement.jpgFimm og hálf milljón flýja Venesúela

Yfir fjórar milljónir Venesúelamanna hafa flúið landið undanfarin fimm ár í leit að öryggi og er búist við að fjöldinn nái fimm og hálfri milljón fyrir árslok 2019. Stór hluti þessa fólks eru börn og unglingar sem hafa orðið viðskila við foreldra sína sem og barnshafandi konur og er þessi hópur sérstaklega berskjaldaður fyrir hættum af ýmsu tagi. Glæpagengi hneppa konur og stúlkur í kynlífsánauð og fólkið lifir í stöðugum ótta við mansal og mannrán eða að verða vikið úr landinu.

SOS Barnaþorpin í Kólumbíu vinna markvisst að því að forða fólki frá þessum hættum og hafa sett upp svokölluð fjölskyldu- og barnvæn svæði. Þar fá fjölskyldur faglega ráðgjöf, aðstoð við að þekkja hætturnar og eflingu til sjálfshjálpar. SOS sér barnafjölskyldum í neyð einnig fyrir tímabundnum vistarverum, mat, vatni, hreinlæti og sálfræðiaðstoð ásamt fleiru.

SOS Barnaþorpin á Íslandi styrktu þessa neyðaraðstoð um rúma eina milljón króna fyrr á þessu ári sem mótframlag við 19,5 milljóna króna styrk Utanríkisráðuneytisins. Í ljósi aukinnar neyðar hefur stjórn SOS á Íslandi nú ákveðið að bæta tæpum sjö milljónum króna við þessa þörfu aðstoð.

Styrktaraðilar SOS á Íslandi geta tekið þátt með frjálsum framlögum eða með því að gerast Barnaþorpsvinur þorpanna í Kólumbíu. Alls sjö SOS barnaþorp eru í Kólumbíu.

Kólumbíuþorpin.jpg

Nýlegar fréttir

Börnum forðað frá kynferðisbrotamönnum í Tógó
15.04.2021 Almennar fréttir

Börnum forðað frá kynferðisbrotamönnum í Tógó

Undraverður árangur hefur náðst á skömmum tíma í átaki gegn kynferðislegri misneytingu á börnum í Tógó, verkefni sem fjármagnað er af SOS á Íslandi. Verkefnið hófst í mars 2020 og þrátt fyrir hömlur a...

Fjögurra milljóna króna erfðagjöf til SOS
04.02.2021 Erfðagjafir

Fjögurra milljóna króna erfðagjöf til SOS

SOS Barnaþorpunum á Íslandi barst á dögunum rausnarleg erfðagjöf frá Svanhildi Jónsdóttur upp á tæpar fjórar milljónir króna. Svanhildur studdi allt sitt líf þá sem þurftu á stuðningi að halda og var ...