Fréttayfirlit

Verkefnið „Læsi á opnu svæði“ nýtur velgengni í Kenía

Læsi á opnu svæði (e. Open Space Literacy Project (OSL)) er verkefni sem SOS Barnaþorpin settu á fót ásamst Plan International og öðrum samstarfsaðilum árið 2015. Tilgangurinn er að auka læsi í barnaskólum á fátækum svæðum í Kenía með tækni, en 1/3 ungs fólks á aldrinum 15-19 ára í landinu er ólæs vegna lélegra aðstæðna til menntunar.  

OSL aðferðin nýtir ódýran og orkuvænan búnað. Í hverri kennslustofu eru 2-5 fartölvur sem þurfa litla orku og nýtast bæði til að þjálfa kennara og nemendur. Einnig fylgja farsímar sem notaðir eru til að skoða kennsluefni, myndvarpi 

og hátalarar svo að allur bekkurinn geti tekið þátt þegar tölvurnar eru notaðar, krítartafla, prik og sólarsellur ef þörf er á. Búnaðinn er auðvelt að flytja milli kennslustofa og því getur allur skólinn notið góðs af tækninni. Með búnaðinum fylgir námskeið fyrir kennara svo tækninýjungin nýtist sem best.

OSL.jpg

Kostir verkefnisins eru margir. Hér eru nokkur dæmi:

  • Börn fá aðgang að gæðamenntun á mismunandi tungumálum í gegnum tölvur og síma.
  • Tæknin gefur nemendum færi á að læra á eigin forsendum og gefur þeim betri endurgjöf, jafnvel í yfirfullum kennslustofum.
  • Oft er skortur á skólabókum í skólum á fátækum svæðum. Í þeim tilfellum má nota myndvarpa til að deila kennsluefninu með öllum bekknum.
  • Kennarar geta fylgst með hverjum og einum nemenda í gegnum einfalt tölvuforrit.
  • Kennarar nota víxlverkandi kennsluaðferðir og innleiða kerfi þar sem kynjajafnrétti er virt og jákvæðar agareglur eru nýttar.
  • Í dag hefur verkefnið verið innleitt í einum Hermann Gmeiner skóla í barnaþorpi þar í landi auk 27 annarra opinberra grunnskóla. Takmarkið er  að ná til 300 skóla í Kenía.

 

Mjög góð útkoma úr verkefninu

kennsla.jpg

Hlutlaust mat frá Women Educational Researchers of Kenya (WERK) á verkefninu sýndi að nemendur sem nýttu þessa nýju tækni höfðu betri lestrarkunnáttu en jafnaldrar sem ekki nýttu tæknina. Matið sýndi einnig að mæting þeirra nemenda sem höfðu aðgang að tækninni var mun betri en mæting annarra nemenda.

Kennaraþjálfunin sýndi einnig góða niðurstöðu. Kennarar sem aldrei höfðu notað tölvur eða aðra tækni sem fylgir verkefninu geta nú auðveldlega notað tæknina. Einnig nota nú um 80% kennara í skólunum víxlverkandi kennsluaðferðir  sem miða að aukinni þátttöku allra nemenda í umræðum og verkefnaúrlausnum.  

Nýlegar fréttir

Stofnuðu félagslega eflandi hóp í þágu SOS í grunnskóla Stykkishólms
20.07.2021 Almennar fréttir

Stofnuðu félagslega eflandi hóp í þágu SOS í grunnskóla Stykkishólms

Æska landsins lætur sig svo sannarlega varða bágstödd börn í heiminum og það er aðdáunarvert að sjá hvernig frumlegar hugmyndir íslenskra ungmenna hafa orðið að veruleika. Nikola og Tara sem eru á lei...

Skráning hafin á Velgjörðafyrirtækjum SOS
16.07.2021 Almennar fréttir

Skráning hafin á Velgjörðafyrirtækjum SOS

Fyrirtækum á Íslandi gefst nú tækifæri á að tengjast SOS Barnaþorpunum á sérstakan hátt með því að gerast Velgjörðafyrirtæki SOS. Þetta fyrirkomulag var sett á laggirnar í upphafi júlí 2021 og nú þega...