Fréttayfirlit 15. júní 2019

Ungir og aldnir láta gott af sér leiða

Þrjár duglegar og hjartagóðar ungar dömur í Breiðholti tóku sig til á dögunum og söfnuðu pening fyrir SOS Barnaþorpin. Embla Marín Freysdóttir, Sara Karen Sigurðardóttir og Guðný Hrönn Sigurðardóttir gengu í hús í götu einni í Hólahverfi og söfnuðu 2.696 krónum sem þær hafa afhent okkur. Peningurinn fer í verkefni sem við fjármögnum í Eþíópíu þar sem við hjálpum sárafátækum barnafjölskyldum í gegnum Fjölskyldueflingu SOS. Þessi upphæð dugar einmitt rúmlega fyrir einu WADI vatnshreinsitæki sem útvegum þessum fjölskyldum.

WADI.jpgVatnshreinstækið nemur styrk UV sólargeislanna sem drepa sýkla og örverur. Ef plastflaska full af vatni er látin standa úti í sólinni og tækið við hliðina á, gefur broskarl til kynna að vatnið sé orðið drykkjarhæft. Svo lengi sem fýlukarlinn er á tækinu, er vatnið enn ódrykkjarhæft. Með þessu móti er hægt að sporna við sjúkdómum sem orsakast vegna skítugs drykkjarvatns.

Tækið er í sölu í vefverslun okkar.

Við þökkum Emblu, Söru og Guðnýju innilega fyrir þetta frábæra framtak.

Kom með peningabox látinnar eiginkonu sinnar

Þá kom til okkar á skrifstofuna eldri maður með þetta litla málmbox fullt af smápeningum sem konan hans átti. Hún er nú látin en hann vildi færa okkur boxið því hún hafði styrkt SOS Barnaþorpin. Þarna hlýnaði okkur um hjartarætur.

Nýlegar fréttir

Tveir Íslendingar mega styrkja sama barnið
3. júl. 2024 Almennar fréttir

Tveir Íslendingar mega styrkja sama barnið

Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...

843 krónur af hverju þúsund króna framlagi
26. jún. 2024 Almennar fréttir

843 krónur af hverju þúsund króna framlagi

Það skiptir okkur miklu máli að geta sýnt styrktaraðilum samtakanna hér á landi fram á lágan rekstrarkostnað og að sem stærstur mögulegur hluti framlaga þeirra skili sér í sjálft hjálparstarfið. Í árs...