Tombóla á Menningarnótt
Á Menningarnótt tóku bræðurnir Benedikt og Bjartur sig til og héldu tombólu til styrktar SOS Barnaþorpunum en þetta er í fimmta skipti sem þeir halda slíka fjáröflun á Menningarnótt. Þeir bræður, ásamt fjölskyldu sinni styrkja dreng sem heitir Asif Hussain og býr í SOS Barnaþorpinu í Dhaka í Bangladess. Þeir ákváðu því að láta ágóðann renna sérstaklega til barnaþorpsins sem Asif býr í.
Með smávægilegri hjálp foreldra sinna undirbjuggu Benedikt og Bjartur tombóluna og stóðu svo við söluborð sitt á horni Skólavörðustígs og Eiríksgötu. Benedikt sem er 8 ára og Bjartur sem er 6 ára seldu grimmt og söfnuðu hvorki meira né minna en 20.000 krónum.
SOS Barnaþorpin þakka bræðrunum kærlega fyrir stuðninginn!
Nýlegar fréttir
30 ungmenni í Rúanda komin í háskólanám fyrir tilstilli erfðagjafar Baldvins
Alls hafa 30 ungmenni í Rúanda hafið háskólanám með stuðningi erfðagjafar sem SOS Barnaþorpin á Íslandi ráðstöfuðu hluta af árið 2025. Markmiðið er að gera 39 ungmennum, sem notið hafa stuðnings SOS, ...
Ísland styrkir aftur sumarbúðir fyrir stríðshrjáð börn í Úkraínu
SOS Barnaþorpin á Íslandi hafa sent fjárstuðning til sumarbúða í Úkraínu fyrir börn sem hafa orðið fyrir alvarlegum áhrifum af stríðinu. Þar taka börnin þátt í fjölbreyttu starfi sem hjálpar þeim að v...