Fréttayfirlit

Þúsundir barna á vergangi í Palu í Indónesíu

Indonesia_Palu_EPA-EFE-MAST IRHAM.jpg

Fulltrúar frá SOS Barnaþorpunum þurfa að öllum líkindum að bíða fram í næstu viku til að geta sett upp barnagæslu í borginni Palu á eyjunni Sulawesi í Indónesíu. Nærri 60 þúsund manns eru á vergangi, stór hluti þeirra börn, sem misstu heimili sín í flóðbylgjunni sem skall á borginni sl. föstudag. Erfitt er að komast á hamfarasvæðið. Yfir 1400 manns létust og fer tala látinna enn hækkandi.

Að sögn framkvæmdastjóra SOS Barnaþorpanna í Indónesíu er mansal stöðug ógn við börn í landinu og því er mikilvægt að umönnunarlaus börn komst sem fyrst í öruggt skjól.

Indonesia_Palu_EPA-EFE-HOTLI SIMANJUNTAK.jpg

Fjölmargar alþjóðlegar hjálparstofnanir eru að störfum á svæðinu og SOS Barnaþorpin eru með áform um að setja upp barnagæslu í Palu. Áhersla verður þar lögð á sálfræðiaðstoð og menntun og svo eru samtökin alltaf reiðubúin til að taka við börnum sem missa foreldra sína.

Ljóst er að það mun taka nokkurn tíma að sjá hversu mörg börn verða umönnunarlaus eftir hamfarirnar en SOS Barnaþorpin fylgjast grannt með gangi mála og munu gera viðeigandi ráðstafanir.

Eins og við greindum frá á mánudaginn höfðu hamfarirnar engin áhrif á SOS barnaþorp sem eru alls 8 talsins í Indónesíu, eða á nein verkefni á vegum samtakanna.

Indonesia Palu kort.jpg

Nýlegar fréttir

Þolandi styrkti verkefni SOS gegn kynferðisbrotum á börnum
14.05.2021 Almennar fréttir

Þolandi styrkti verkefni SOS gegn kynferðisbrotum á börnum

SOS Barnaþorpunum á Íslandi barst á dögunum 53 þúsund króna framlag sem sker sig nokkuð úr frá hefðbundnum framlögum til SOS. Forsagan er sú að ókunnugur maður setti sig í netsamband við stúlku á efst...

Tilkynning til styrktaraðila SOS á Íslandi
05.05.2021 Almennar fréttir

Tilkynning til styrktaraðila SOS á Íslandi

Undanfarið höfum við verið að fást við alvarlegt mál sem við teljum mikilvægt að upplýsa styrktaraðila SOS Barnaþorpanna um. Við segjum reglulega frá öllu því jákvæða sem áunnist hefur í okkar starfi ...