SOS Barnaþorpin fá viðurkenningu spænska konungsveldisins
Virt viðurkenning hefur verið veitt til SOS Barnaþorpanna á Spáni, nánar tiltekið Asturias prinsessuverðlaunin fyrir eindrægni, sem spænska konungsveldið veitir á ári hverju.
Viðurkenningin er ein af átta sem Asturias prinsessustofnunin veitir. Markmið viðurkenningarinnar er að vekja athygli á þeim sem „vinna að verndun mannréttinda, stuðla að friði, frelsi og samstöðu, vernda menningararf og vinna almennt að framþróun og auknum skilningi á mannkyninu.“
Þrjátíu og eins manns dómnefnd valdi SOS Barnaþorpin úr hópi fjölda tilnefninga, en fyrrum körfuboltamaðurinn Amaya Valdemoro tilnefndi samtökin.
Spánarkonungur útskýrði í bréfi til Siddhartha Kaul, forseta alþjóðasamtaka SOS, að verðlaunin viðurkenni samtökin fyrir frumkvöðlastarf sitt í yfir 70 ár á alþjóðagrundvelli sem hefur verndun barna að meginmarkmiði; markmið sem hefur jafnvel meira vægi á tímum átaka og hörmunga á alþjóðavísu.
Viðurkenningin verður formlega veitt í október við hátíðlega athöfn í Oviedo, þar sem drottning og konungur Spánar verða heiðursgestir.
Nýlegar fréttir
Ekkert mannfall eða skemmdir hjá SOS í Sýrlandi
Staðfest hefur verið að öll börn, fjölskyldur og starfsfólk á vegum SOS Barnaþorpanna í Sýrlandi eru heil á húfi eftir mannskæðan jarðskjálfta sem reið yfir norðurhluta Sýrlands og suðurhluta Tyrkland...
Rúrik sigraði aftur í Let´s dance og gaf verðlaunaféð til SOS
SOS Barnaþorpunum barst í vikunni styrkur upp á rúma eina og hálfa milljón króna vegna sigurs Rúriks Gíslasonar í jólaþætti þýsku sjónvarpsþáttaraðarinnar Let´s dance.