Fréttayfirlit

SOS Barnaþorpin á Íslandi stytta vinnuvikuna

Vinnuvika starfsfólks SOS Barnaþorpanna á Íslandi var nú um mánaðarmótin stytt úr 40 klukkustundum niður í 37 í tilraunaskyni til sex mánaða. Stytting vinnuvikunnar hefur gefið góða raun hjá öðrum vinnustöðum og eru vonir bundnar við að hún muni skila sér í meiri afköstum starfsmanna.

„Ég hef lengi fylgst með þeim tilraunum sem fyrirtæki og stofnanir hafa gert með styttingu vinnuvikunnar og ég tel það tilraunarinnar virði að prófa styttingu í hálft ár. Tíminn verður svo að leiða það í ljós hvort við höldum áfram eða látum staðar numið.“ segir Ragnar Schram, framkvæmdastjóri SOS Barnaþorpanna á Íslandi.

Ánægja og afköst aukast

„Reynsla annarra sýnir að veikindadögum fækkar og afköst haldast söm eða aukast við það að stytta vinnuvikuna og almennt virðist ánægja fólks í starfi aukast. Mögulega getur þessi litla breyting okkar orðið til þess að enn fleiri börn í fátækari löndum heimsins fái hjálp en ella, vegna þess að við afköstum meira.“ bætir Ragnar við.

Hann segir að markmið SOS Barnaþorpanna sé að börn fái búið við sem bestar fjölskylduaðstæður og upplifi ást og umhyggju. „Starfsfólk okkar á Íslandi á sín börn og sínar fjölskyldur og ef við getum stuðlað að auknum samvistum fjölskyldna þeirra þá er það hið allra besta mál. Ég tala nú ekki um ef við getum samhliða hjálpað skjólstæðingum okkar erlendis enn frekar.“

Lokum fyrr á föstudögum

Á skrifstofu SOS Barnaþorpanna í Kópavogi vinna sex manns í fimm stöðugildum og verður þeim m.a. boðið upp á námskeið í tímastjórnun. Fyrirkomulagið felur meðal annars í sér að að starfsfólk geti sinnt persónulegum erindagjörðum á vinnutíma sem dragast þá frá styttingunni. Ekki er ólíklegt að þessi tilraun leiði til þess að skrifstofunni loki fyrr á föstudögum.

Nýlegar fréttir

Stofnuðu félagslega eflandi hóp í þágu SOS í grunnskóla Stykkishólms
20.07.2021 Almennar fréttir

Stofnuðu félagslega eflandi hóp í þágu SOS í grunnskóla Stykkishólms

Æska landsins lætur sig svo sannarlega varða bágstödd börn í heiminum og það er aðdáunarvert að sjá hvernig frumlegar hugmyndir íslenskra ungmenna hafa orðið að veruleika. Nikola og Tara sem eru á lei...

Skráning hafin á Velgjörðafyrirtækjum SOS
16.07.2021 Almennar fréttir

Skráning hafin á Velgjörðafyrirtækjum SOS

Fyrirtækum á Íslandi gefst nú tækifæri á að tengjast SOS Barnaþorpunum á sérstakan hátt með því að gerast Velgjörðafyrirtæki SOS. Þetta fyrirkomulag var sett á laggirnar í upphafi júlí 2021 og nú þega...