Íslenskir ólympíufarar efla íþróttastarf barna í Malaví
Skólabörn í SOS barnaþorpum í Malaví fóru ekki leynt með eftirvæntingu sína, spennu og gleði þegar þau fengu afhenda fótbolta frá Íslandi í október. Samtök íslenskra ólympíufara gáfu 48 fótbolta til skólabarna í Malaví sem DHL, alþjóðlegur styrktaraðili SOS Barnaþorpanna, sá um að koma örugglega á áfangastað.
Vilja efla íþróttaiðkun barna í þróunarlöndum
Öll börn eiga rétt á að leika sér og stunda íþróttir. Það eflir líkamlega, félagslega og tilfinningalega líðan barna. Eitt af samfélagslegum langtímamarkmiðum Samtaka íslenskra ólypíufara (SÍÓ) er að aðstoða við stofnun og eflingu íþróttafélaga í þróunarlöndum í samstarfi við nærliggjandi skóla. Stuðningurinn felst m.a. í að gefa bolta og annan búnað og námskeið fyrir kennara og þjálfara.
Hvatning til ólympíufara fleiri landa
„SÍÓ ætlar að hvetja þjóðasamtök ólympíufara á hinum Norðurlöndunum að gera slíkt hið sama og vonandi með stuðningi viðkomandi þróunarstofnunar. Von stendur til að þessi boltasending sé aðeins byrjunin á farsælu samstarfi SÍÓ við SOS Barnaþorpin í Malaví og önnur lönd í Afríku," segir Jón Hjaltalín Magnússon, formaður SÍÓ.
Meðfylgjandi myndir voru teknar við afhendingu boltanna í Ngabu í Malaví nú í október.
Öll börn eiga rétt á að leika sér og stunda íþróttir. Það eflir líkamlega, félagslega og tilfinningalega líðan barna.
Strax var hafist handa við að pumpa lofti í boltana og byrjað að spila fótbolta í Ngabu.
Nýlegar fréttir
SOS Barnaþorpin styrkja starf fyrir fósturbörn á Íslandi
SOS Barnaþorpin hafa ráðstafað einni milljón króna af erfðagjöf Baldvsins Leifssonar í styrk til Félags fósturforeldra á Íslandi. Tilgangur styrksins er að efla starf félagsins í þágu fósturbarna hér ...
Gleðitár flæddu þegar Hafdís og Ambika hittust loksins
Tilfinningaþrungin stund var á skrifstofu SOS Barnaþorpanna á Íslandi og gleðitárin flæddu þegar Ambika Sharma og Guðrún Hafdís Karlsdóttir hittust loks, 33 árum eftir að Hafdís gerðist styrktarforeld...