Samburu undirstrikar mikilvægi styrktarforeldra
Við þökkum kærlega fyrir ánægjulega kvöldstund með styrktaraðilum SOS Barnaþorpanna á Íslandi og Keníamanninum Samburu Wa-Shiko á Grand hóteli sl. mánudagskvöld. Við erum ánægð með hversu margir mættu og höfðu áhuga á að kynnast Samburu og lífinu í SOS barnaþorpi.
Saga Samburu er mjög merkileg. Hann er ljóslifandi dæmi um barn í neyð sem fékk tækifæri hjá SOS Barnaþorpunum og hefur náð mög langt í lífinu. Hann missti foreldra sína þegar hann var 2 ára og ólst upp í SOS barnaþorpinu í Mombasa í Kenía.
Hann fékk margar áhugaverðar spurningar frá fólkinu í salnum og meðal þess sem fram kom var að styrktarforeldrar skipti börnin miklu máli í SOS barnaþorpunum. Sjálfur átti hann styrktarforeldra frá Þýskalandi og Noregi og hann heldur enn miklum og góðum tengslum við konu í Þýskalandi sem var styrktarforeldri hans á sínum tíma. „Hún er guðmóðir mín," sagði Samburu.
Hann segir uppeldi sitt í barnaþorpinu hafa verið eins eðlilegt hann geti ímyndað sér og hann er í stöðugu sambandi við SOS móður sína og systkini sem hann ólst upp með.
SOS-barn á framabraut
Eftir að hafa hlotið góða menntun starfaði Samburu fyrir fjölda stofnana á vegum Sameinuðu þjóðanna og er í dag yfirráðgjafi hjá Gates foundation. (Senior advisor) Hann er sérfræðingur á sviði þróunaraðstoðar og hefur m.a. unnið fyrir Alþjóða efnahagsráðið, World Economic Forum.
Samburu fannst frábært að hitta íslenska styrktaraðila SOS og hann segir að þessi heimsókn hans til landsins hafi gefið honum mikið.
Nýlegar fréttir
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...