Óeirðir hafa áhrif á starf SOS
Óöld hefur staðið yfir í Afríkuríkinu Búrúndí síðan í lok apríl og hefur það haft mikil áhrif á starf SOS Barnaþorpanna í landinu. Átök hófust á götum úti eftir að Pierre Nkurunziza, forseti landsins, ákvað að bjóða sig fram í þriðja sinn en deilt er um hvort hann hafi til þess lagalegan rétt. 70 manns hafa látið lífið, 600 manns hafa slasast og yfir ein milljón manna lent í fangelsi. Þá er hundruða saknað og yfir 150 þúsund Búrúnda hafa flúið land.
Samgöngur í nágrenni við höfuðborgina Bujumbura eru lamaðar og fólki gengur erfiðlega að sækja vinnu vegna átaka á götum úti. Þá eru skólar lokaðir ásamt verslunum. Þögult samkomulag um vikulegt tveggja daga hlé á átökunum hefur þó verið virt svo almenningur geti sótt sér mat og aðrar nauðsynjar.
SOS Barnaþorpin starfa á fimm stöðum í Búrúndí, meðal annars í höfuðborginni. SOS skólinn í Bujumbura er lokaður og heilsugæslan einnig. Þá er lítið samband hægt að hafa við skjólstæðinga Fjölskyldueflingar á svæðinu.
Sá hræðilegi atburður átti sér svo stað í Bujumbura þann 22. maí síðastliðinn að ung stúlka sem bjó í SOS Barnaþorpinu á staðnum lést í sprengingu sem tengdist óeirðunum. Stúlkan var stödd á markaði ásamt vinkonu sinni sem bjó í sama barnaþorpi, þegar óþekktir aðilar vörpuðu handsprengjum á markaðinn. Stúlkan var flutt á sjúkrahús þar sem hún lést af sárum sínum en vinkona hennar slasaðist alvarlega.
Handsprengjum var varpað inn á heimili fjölskyldu sem fær aðstoð hjá Fjölskyldueflingu. Fjölskyldufaðirinn lést samstundis en fjögurra ára dóttir hans slasaðist alvarlega. Þá var fimmtán ára stúlku, skjólstæðingi Fjölskyldueflingar, Staðan í SOS Barnaþorpinu í Bujumbura er þrátt fyrir allt ágæt en börn og ungmenni hafa ekki sótt skóla síðan í apríl vegna lokana. SOS leik- og grunnskólakennarar hafa þó sinnt heimakennslu í þorpinu og gera það áfram þangað til óeirðunum lýkur.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...