Fyrrverandi SOS-barn heimsækir Ísland
Lífið í SOS barnaþorpum er skiljanlega mjög fjarlægt í huga okkar Íslendinga enda eru hér engin slík þorp. Mánudagskvöldið 13. maí gefst styrktaraðilum SOS Barnaþorpanna á Íslandi og öðrum áhugasömum einstakt tækifæri á að hitta mann sem ólst upp í barnaþorpi í Kenía. Hann fékk góða menntun og hefur náð langt á sínu sviði; hann er m.a. ráðgjafi hjá Bill & Melinda Gates sjóðnum sem er stærsti einkarekni góðgerðarsjóður í heimi.
Samburu Wa-Shiko er 43 ára Keníamaður sem missti foreldra sína ungur að árum. Hann fékk SOS móður og nýja fjölskyldu í SOS barnaþorpinu í Mombasa í Kenía þar sem hann svo ólst upp. Eftir að Samburu flutti úr barnaþorpinu lá leið hans í háskólanám í Kanada og Bretlandi og að námi loknu starfaði hann m.a. fyrir Sameinuðu þjóðirnar. Hann er frábært dæmi um barn í neyð sem hefur fengið nýtt tækifæri hjá SOS og náð langt í lífinu.
Þetta er upplagt tækifæri fyrir ykkur að spyrja Samburu út í það sem ykkur liggur á hjarta um uppvöxt í SOS barnaþorpi.
✔️Hvað er SOS barnaþorp?
✔️Er gott, vont eða erfitt að alast þar upp?
✔️Er erfitt fyrir barn að flytja þangað?
✔️Hvernig eru framtíðarmögulelikar barnanna á menntun og atvinnu?
Samburu er líflegur og segir skemmtilega frá. Hann hlakkar mjög að koma til Íslands og hitta styrktaraðila SOS.
Kvöldstundin með Samburu verður í Gallerí fundarsalnum á Grand Hótel mánudagskvöldið 13. maí kl.20.00. Kaffiveitingar verða í boði. Gert er ráð fyrir að viðburðurinn verði í eina klukkustund.
Allir eru velkomnir á viðburðinn. Ekkert kostar inn en við biðjum ykkur vinsamlegast um að skrá mætingu ykkar á Facebook síðunni fyrir viðburðinn. Einnig er hægt að tilkynna mætingu með símtali á skrifstofu okkar 564 2910 eða í tölvupósti á sos@sos.is.
Við viljum líka benda ykkur á að Samburu var í áhugaverðu viðtali við sjónvarpsstöðina Africa 24 sem óhætt er að mæla með.
Bestu kveðjur og hlökkum til að sjá ykkur
starfsfólk SOS Barnaþorpanna á Íslandi
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...