Fréttayfirlit

Framlagið þitt 66-faldast

Hans ásamt starfsfólki fjölskyldueflingar SOS í Eþíópíu

(Hans Steinar Bjarnason, upplýsingafulltrúi SOS, skrifar frá Eþíópíu.)

Það er búið að vera einstakt að vinna með þessu frábæra starfsfólki SOS Barnaþorpanna í Eþíópíu síðustu daga. Þau hafa þrætt mig í gegnum svæði þar sem barnafjölskyldur bjuggu við sárafátækt þangað til þær komust undir hatt Fjölskyldueflingar SOS Barnaþorpanna. Þetta er fjögurra ára verkefni sem SOS á Íslandi fjármagnar á Tulumoye svæðinu sem er í um þriggja klukkutíma akstursfjarlægð suður af höfuðborginni Addis Ababa.

Á ferð minni um svæðið hef ég tekið viðtöl við sumar af þessum fjölskyldum til að taka með heim til Íslands og vinna úr til að sýna Fjölskylduvinum SOS. Það eru þeir og Utanríkisráðuneytið sem á beinan hátt styrkja þetta verkefni í gegnum SOS Barnaþorpin. Eftirlitsskylda hvílir svo á okkur svo við getum fullvissað styrktaraðila á Íslandi um að verkefnið gangi samkvæmt áætlun. Úttektir okkar og vettvangsheimsókn hafa ánægjulega fullvissað okkur um að verkefnið gengur mjög vel.

Framlagið 66-faldast

Þarna verður eittþúsund króna framlag að 66 þúsund krónum. Það eru útreiknuð langtímaáhrif sem skýrast m.a. af verðlagsmun og því að fjölskyldurnar fara að afla sér tekna og framkvæmdagleði eykst. Allt hefur þetta svo áhrif á nærsamfélagið og innviði þess með fyrrgreindum keðjuáhrifum.

Hjálpin ber árangur

Nú þegar tvö ár eru liðin af verkefnistímanum eru foreldrarnir farnir að geta staðið á eigin fótum, gefið börnunum að borða reglulega og sent þau í skóla. Engum er gefinn peningur, markmiðið er að hjálpa fjölskyldunum upp úr djúpu sporunum svo þær geti orðið sjálfbærar.

Umræddar fjölskyldur búa flestar í c.a. 10 fermetra húsnæði. Fæstar þeirra hafa nokkurn tímann ferðast lengra en 25 km frá heimili sínu. Með öðrum orðum, fólkið kemst ekki nálægt því að þekkja sömu lífsgæði og við höfum á Íslandi. En íbúarnir þarna eru nægjusamir.

Kærar þakkir til SOS-fjölskylduvina á Íslandi.

(Hans Steinar Bjarnason, upplýsingafulltrúi SOS, skrifar frá Eþíópíu.)

Nýlegar fréttir

Bréfin um börnin loks að berast styrktarforeldrum
13.01.2021 Almennar fréttir

Bréfin um börnin loks að berast styrktarforeldrum

Marga styrktarforeldra er eflaust farið að lengja eftir fréttum af styrktarbörnum sínum en biðin fer nú loks að taka enda. Bréfin eru þegar farin að berast inn um lúguna en einhverjir gætu þurft að bí...

Aukið ofbeldi gegn börnum og fátækt eykst á ný
12.01.2021 Fjölskylduefling

Aukið ofbeldi gegn börnum og fátækt eykst á ný

Eftir að kórónuveirufaraldurinn skall á hefur því miður orðið mikil afturför hjá skjólstæðingum okkar í fjölskyldueflingunni SOS í Eþíópíu sem SOS á Íslandi fjármagnar. Við fengum verkefnastjóra á sta...