Fréttayfirlit 13. apríl 2020

Áhrif Covid-19 á fjölskyldueflingu SOS

TulumoyeCovid-19 faraldurinn er nú farinn að setja strik í reikninginn í Fjölskyldueflingu SOS Barnaþorpanna eins og útlit var fyrir. Það kallar á breytt verklag SOS á verkefnastöðunum en starfsfólk SOS hefur brugðist skjótt við og stendur sig vel. Í SOS barnaþorpunum eru börnin betur varin þessari ógn en í Fjölskyldueflingunni eru skjólstæðingar okkar berskjaldaðri því þeir búa á opnum svæðum.

Vart við heimilisofbeldi

Framlög íslenskra Fjölskylduvina renna til sárafátækra barnafjölskyldna í Eþíópíu og á Filippseyjum og hjálpa þeim að ná fjárhagslegu sjálfstæði. Þörfin fyrir Fjölskyldueflingu hefur aukist á báðum stöðum vegna Covid-19 en á sama tíma á starfsfólk okkar erfiðara með að liðsinna skjólstæðingunum vegna ferðatakmarkana og annarra hindrana.

Skólar eru lokaðir og fjölskyldur eru meira saman á heimilinu en áður. Það leiðir til aukinnar hættu á heimilisofbeldi og hefur þess þegar orðið vart. Félagsráðgjafar okkar gera það sem þeir geta til að ræða við skjólstæðingana og hjálpa þeim í þessum krefjandi aðstæðum.

TulumoyeKallar á breytta og aukna aðstoð

Fjölskylduefling SOS gengur m.a. út á það að hjálpa fjölskyldum að afla tekna. Ferðatakmarkanir hafa nú leitt til þess að fjölskyldurnar eiga erfiðara með að stunda viðskipti og afla sér tekna. Þess vegna er hætt við því að SOS Barnaþorpin muni þurfa að aðstoða fjölskyldurnar með beinum framlögum og/eða matargjöfum og eins að það taki fjölskyldurnar lengri tíma en ella að koma undir sig fótunum.

Við sjáum nú þegar hækkun á kostnaði í verkefnunum vegna Covid-19 og mun hann hækka enn frekar á næstu vikum. Stuðningur Fjölskylduvina hefur því aldrei verið eins mikilvægur og nú.

Um leið og við upplýsum þig um núverandi stöðu mála viljum við þakka þér fyrir þinn stuðning. Hann kemur svo sannarlega að gagni nú á tímum heimsfaraldursins og tilheyrandi neyðar.

Meðfylgjandi myndir voru teknar í eftirlitisferð SOS á Íslandi til Tulumoye-svæðisins í Eþíópíu í febrúar 2020. Börnin á myndunum eru skjólstæðingar Fjölskyldueflingarinnar sem SOS á Íslandi fjármagnar með aðstoð Fjölskylduvina og Utanríkisráðuneytisins.

Nýlegar fréttir

Seinna SOS-blað ársins komið út
29. nóv. 2023 Almennar fréttir

Seinna SOS-blað ársins komið út

Seinna SOS-blað ársins er kom­ið út og er það að venju aðgengilegt rafrænt hér á sos.is. Þetta er í annað sinn sem blaðið kemur út með breyttu fyr­ir­komu­lagi á dreif­ingu til styrktarað­ila.

Viðbragðsáætlun SOS Barnaþorpanna í Marokkó
21. nóv. 2023 Almennar fréttir

Viðbragðsáætlun SOS Barnaþorpanna í Marokkó

Líf þúsunda barna breyttist þegar jarðskjálfti reið yfir Marokkó 8. september sl. og munu afleiðingarnar hafa áhrif á landið um ókomna tíð. Hér má lesa um útfærslu á viðbragðsáætlun SOS Barnaþorpanna ...