146 börn skemmtu sér á Sólblómahátíð SOS

Gleðin var að venju við völd á Sólblómahátíð SOS Barnaþorpanna sem haldin var í Ráðhúsi Reykjavíkur sl. föstudag, 1. júní. Börn á Sólblómaleikskólum á höfuðborgarsvæðinu fögnuðu þannig afrakstri vetrarins með skrúðgöngu frá Lækjartorgi og skemmtiatriði frá Sirkus Íslandi. 146 börn tóku þátt, frá fimm leikskólum, Reynisholti, Efstihjalla, Álfaheiði, Rauðaborg og leikskóla Seltjarnarness.

Alls eru um 30 Sólblómaleikskólar víðs vegar um landið en þar eru leikskólar sem styðja SOS Barnaþorpin, ýmist með því að styrkja ákveðið barn eða með öðrum leiðum.

Ljósmyndir og myndskeið frá skemmtuninni má sjá á Facebook síðu SOS Barnaþorpanna.