Fréttayfirlit 25. mars 2022

11 milljónir hafa safnast fyrir Úkraínu

11 milljónir hafa safnast fyrir Úkraínu

Það er ánægjulegt að segja frá því að nú eru sveitarfélög farin að leggja SOS Barnaþorpunum lið í neyðarsöfnuninni fyrir Úkraínu. Í gær barst 500.000 króna framlag frá Svalbarðsstrandarhreppi og þar með var 11 milljóna króna múrinn brotinn í söfnuninni.

Svalbarðsstrandarhreppur skorar á önnur sveitarfélög að gera slíkt hið sama.

Okkur hjá SOS Barnaþorpunum á Íslandi langar að koma á framfæri innilegum þökkum til allra sem hafa lagt okkur lið í söfnuninni sem stendur enn yfir og mun gera áfram. SOS á Íslandi leggur auk þess til 5 milljónir króna.

Hvernig er söfnunarfé varið?

Hjálparstarf SOS Barnaþorpanna stendur ekki aðeins yfir í Úkraínu heldur líka nágrannalöndunum þangað sem bæði barnafjölskyldur og umkomulaus börn hafa flúið til. Mikið álag er á starfsfólki SOS í þessum löndum og daglega koma upp nýjar áskoranir sem flækja hjálparstarfið.

Söfnunarféð er eyrnamerkt mörgum þáttum hjálparstarfsins sem breytast á hverjum degi. Allt fé sem safnast í neyðarsöfnunum SOS um allan heim er því ekki eingöngu að nýtast í dag heldur mun gera það áfram eins lengi og þörf er á.

Söfnunarfénu er að stærstum hluta varið í að framfleyta og styðja við börn, ungmenni og barnafjölskyldur sem eiga um sárt að binda. Því er einnig varið í laun umönnunaraðila barna, bæði í Úkraínu og nágrannalöndunum. Aðaláhersla er lögð á velferð barna, að hlúð sé að þeim af alúð og umhyggju.

Er framlagið þitt að skila sér?

Eðlilegt er að almenningur sem gefur fé til neyðarsafnana spyrji hvort framlögin þeirra séu að skila sér í hjálparstarfið. Allt söfnunarfé fer eftir öruggum fjármálaleiðum innan SOS Barnaþorpanna sem eru með starfsemi í öllum þessum löndum. SOS Barnaþorpin á Íslandi senda allt söfnunarfé óskert til alþjóðasamtaka SOS í Austurríki þar sem 5% verður eftir í umsýslu eins og venja er.

Nýlegar fréttir

Tveir Íslendingar mega styrkja sama barnið
3. júl. 2024 Almennar fréttir

Tveir Íslendingar mega styrkja sama barnið

Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...

843 krónur af hverju þúsund króna framlagi
26. jún. 2024 Almennar fréttir

843 krónur af hverju þúsund króna framlagi

Það skiptir okkur miklu máli að geta sýnt styrktaraðilum samtakanna hér á landi fram á lágan rekstrarkostnað og að sem stærstur mögulegur hluti framlaga þeirra skili sér í sjálft hjálparstarfið. Í árs...