Velgjörðafyrirtæki SOS Barnaþorpanna
Velgjörðafyrirtæki SOS Barnaþorpanna

Velgjörðafyrirtæki SOS á Íslandi

Á þessari síðu er yfirlit yfir Velgjörðafyrirtæki SOS Barnaþorpanna. Ykkur færum við einlægar og auðmjúkar þakkir. Án ykkar, stuðnings- og styrktaraðla, væru SOS Barnaþorpin ekki til. Það gerir enginn neitt einn síns liðs en saman breytum við lífi barna um allan heim.

Velgjörðafyrirtæki SOS Barnaþorpanna á Íslandi eru:

Heimstaden

Heimstaden er leiðandi evrópskt leigufélag með þá framtíðarsýn að einfalda og auðga líf viðskiptavina sinna með því að bjóða vinaleg heimili (e. friendly homes). Heimstaden leggur metnað í að vaxa á ábyrgan og sjálfbæran hátt og hefur svokallaða sígræna framtíðarsýn sem þýðir að félagið fjárfestir og rekur eignir sínar til langs tíma og tryggir þannig fyrirsjáanleika og öryggi fyrir viðskiptavini. Heimstaden býður íbúðir til leigu á Höfuðborgarsvæðinu og um land allt.

Gleðipinnar

Gleðipinnar eru kraftmikið félag á afþreyingar og veitingamarkaði sem leggur áherslu á að hámarka upplifun viðskiptavina sinna í gegnum gæði matar og þjónustu. Vörumerki Gleðipinna eru 10 talsins: American Style, Pítan, Aktu taktu, Saffran, Hamborgarafabrikkan, Shake&Pizza, Blackbox, Keiluhöllin, Djúsí og Rush trampólíngarðurinn. Gleðipinnafjölskyldan telur um 400 starfsmenn af nærri 20 þjóðernum og er mikil áhersla lögð á að skapa gott umhverfi fyrir starfsfólk þar sem samheldni, vinskapur og kraftmikið félagslíf eru í fyrirrúmi. Gleðipinnar trúa því nefnilega að til þess að fyrirtæki geti blómstrað þá þurfi starfsfólkið að blómstra.

CoreData

CoreData Solutions ehf. er íslenskt hugbúnaðarfyrirtæki sem þróar og rekur CoreData lausnirnar í skýinu með mánaðarlegri áskrift. Lausnir CoreData eru málaskrár- og skjala- og verkefnastjórnunarkerfi, Stjórnarvefgátt, Gagnaherbergi, Samningakerfi, Eignasýn – tenging verkefna og skjala við eignir, Umsóknarkerfi, Rafræn skil til Þjóðskjalasafns / Héraðsskjalasafna og býður upp á rafrænar undirritanir í lausn sinni. CoreData hefur verið á markaðnum síðan árið 2009 og er sveigjanlegt / skalanlegt og hentar þar af leiðandi minni og stærri fyrirtækjum, sveitarfélögum og stofnunum. Markmið CoreData er að veita framúrskarandi þjónustu og styðja við stafrænu skrifstofuna þar sem gögn eru örugg og aðgengileg hvaðan sem er og hvenær sem er. CoreData Solutions ehf. er dótturfélag Wise lausna hf.

Vettvangur

Vettvangur er hugbúnaðarfyrirtæki sem þróar stafrænar lausnir fyrir kröfuhörðustu fyrirtæki og stofnanir landsins. Félagið leggur áherslu á náið samstarf og heiðarleg samskipti fremur en hugmyndafræðilegar bollaleggingar eða snúna aðferðarfræði.