Fréttayfirlit

Rúrik afhenti SOS 1,7 milljónir króna

Rúrik afhenti SOS 1,7 milljónir króna

Rúrik Gíslason, velgjörðasendiherra SOS Barnaþorpanna á Íslandi, afhenti samtökunum styrk að upphæð 1,7 milljónir króna í dag á Kjarvalsstöðum. Fjárhæðin er ágóði af sölu á SOS góðgerðarbolnum sem var hannaður af Rúrik Gíslasyni í samstarfi við 66°Norður. Bolurinn var seldur í verslunum 66°Norður í desember síðastliðnum. Þetta er annað árið í röð sem Rúrik hannar góðgerðarbol fyrir SOS og seldist bolurinn einnig upp fyrir jólin 2019. Þá var ágóðinn af sölunni 1,6 milljónir króna.

Styrktarupphæðin rennur til verkefnis í Tógó sem miðar að því að draga úr kynferðislegri misnotkun á börnum þar í landi. Verkefnið hefur verið starfrækt frá því í mars á síðastliðnu ári og hefur þegar náð miklum árangri.  56% stúlkna í Tógó eru fórnarlömb kynferðislegrar misnotkunar og 17,3% stúlkna verða barnshafandi fyrir 18 ára aldur. Ennfremur eru barnagiftingar stúlkna og brottfall unglingsstúlkna úr grunnskólum vegna þungunar aðkallandi vandamál.

Þetta er annað árið í röð sem 66°Norður og Rúrik styðja við starfsemi SOS Barnaþorpanna og hafa samtals stutt félagið um 3,3 milljónir króna.

Gefa stakt framlag

Ánægjuleg vegferð

„Ég er mjög þakklátur að geta lagt mitt af mörkum og stutt þetta frábæra verkefni SOS Barnaþorpanna í Tógó. Það hefur verið ánægjulegt að vinna með 66°Norður að hönnun og framleiðslu góðgerðarbolsins. Þetta hefur verið ánægjuleg vegferð og mín leið að styðja við félagið sem velgjörðasendiherra,“ segir Rúrik Gíslason.

Íslendingar láta sig málefnið varða

„Við erum Rúrik og 66°Norður innilega þakklát fyrir þetta frumkvæði og ánægjulega samstarf. Það gleður okkur mjög að þessi góði bolur hafi selst upp annað árið í röð. Það þykir okkur ekki aðeins til merkis um vel heppnaða hönnun heldur einnig að Íslendingar láti sig varða aðstæður bágstaddra barna. Afraksturinn af sölu bolsins mun sannarlega koma að góðum fyrir okkar þarfa verkefni í Tógó,“ segir Ragnar Schram, framkvæmdastjóri SOS Barnaþorpanna á Íslandi.

Skiptir okkur miklu máli

„Það skiptir okkur miklu máli hjá 66°Norður að gefa tilbaka og bjóða okkar viðskiptavinum að taka þátt í að styðja við svona mikilvægt samfélagsverkefni. Starfsemi SOS Barnaþorpanna er til fyrirmyndar og árangur af þeirra verkefnum fjölþættur sem hefur sannarlega áhrif á líðan og tækifæri barna,” segir Fannar Páll Aðalsteinsson markaðsstjóri 66°Norður.

Ragnar framkvæmdastjóri og Hans Steinar Bjarnason upplýsingafulltrúi veittu framlagi Rúriks viðtöku fyrir hönd SOS Barnaþorpanna á Íslandi.

Nýlegar fréttir

Tilkynning til styrktaraðila SOS á Íslandi
05.05.2021 Almennar fréttir

Tilkynning til styrktaraðila SOS á Íslandi

Undanfarið höfum við verið að fást við alvarlegt mál sem við teljum mikilvægt að upplýsa styrktaraðila SOS Barnaþorpanna um. Við segjum reglulega frá öllu því jákvæða sem áunnist hefur í okkar starfi ...

88% segja lífsgæði sín betri
05.05.2021 Fjölskylduefling

88% segja lífsgæði sín betri

88% skjólstæðinga okkar í Fjölskyldueflingu í Eþíópíu segja lífsgæði sín betri eftir að verkefnið, sem fjármagnað er af SOS á Íslandi, hófst fyrir þremur árum. Markmið fjölskyldueflingar SOS er að kom...