Fréttayfirlit 23. júní 2022

68.000 börn og ungmenni á framfæri SOS Barnaþorpanna

68.000 börn og ungmenni á framfæri SOS Barnaþorpanna

Börnum og ungmennum á framfæri SOS Barnaþorpanna fjölgaði um 4% á árinu 2021 frá árinu áður og eru nú um 68 þúsund í beinni umsjá samtakanna um allan heim. Samtökin reka alls 539 barnaþorp og sambærileg umönnunarúrræði.

SOS hjálpaði alls 1,28 milljónum einstaklinga á árinu samaborið við 1,18 milljónir árinu áður. Skjólstæðingum fjölskyldueflingar fjölgaði um 31%, úr 347.000 börnum, ungmennum og fullorðnum árið 2020 upp í 455.400.

Fjölgun vegna Covid-19

Fjöldi á ungmennaheimilum barnaþorpanna jókst um 17% og er það ein af afleiðingum Covid-19. Færri fluttu úr barnaþorpunum til að standa á eigin fótum vegna færri atvinnutækifæra og truflana á námi af völdum heimsfaraldursins.

 

Á unglings­ár­un­um und­ir­bú­um við okk­ur fyr­ir full­orð­ins­ár­in. Þá flytja SOS börn­in gjarn­an yfir á sér­stök ung­menna­heim­ili þar sem ung­ling­arn­ir læra með að­stoð ung­linga­ráð­gjafa að reka sitt eig­ið heim­ili. Á unglings­ár­un­um und­ir­bú­um við okk­ur fyr­ir full­orð­ins­ár­in. Þá flytja SOS börn­in gjarn­an yfir á sér­stök ung­menna­heim­ili þar sem ung­ling­arn­ir læra með að­stoð ung­linga­ráð­gjafa að reka sitt eig­ið heim­ili.

SOS Barnaþorpin í 138 löndum

Eitt aðildarland SOS Barnaþorpanna bættist við á árinu, Liechtenstein, sem hefur unnið að fjáröflun síðan 2019. Liechtenstein er eins og Ísland, meðal átta aðildarlanda SOS sem eru ekki með innanlandsverkefni heldur eingöngu fjáröflun.

Umfang barnahjálpar SOS Barnaþorpanna 2021

Samtökin reka alls 539 barnaþorp og sambærileg umönnunarúrræði í 130 löndum. Undanfarin ár hefur starfsemi samtakanna tekið smávægilegum breytingum. SOS aðlagast aðstæðum í hverju landi og umönnun barnanna fer ekki eingöngu fram í barnaþorpum eins og þekkst hefur í starfsemi SOS í yfir sjö áratugi. Börn alast nú líka upp í fjölskylduumhverfi sem fellur undir ýmsar fleiri starfseiningar innan SOS.

Þá reka samtökin fjölda leikskóla, grunnskóla, verknámsskóla, ungmennaheimila og heilsugæslustöðva auk þess að sinna neyðar- og mannúðaraðstoð. Allt í þágu barna.

Umfang starfsemi SOS árið 2021

Starfseining Fjöldi Skjólstæðingar
SOS barnaþorp og sambærileg umönnun 539 38.300
Önnur umönnun 237 7.700
Ungmennaheimili 703 22.000
Samtals 1.479 68.000
Leikskólar 170 28.200
Skólar á barna- og unglingastigi 179 162.600
Verkmenntaskólar 117 12.200
Heilbrigðisþjónustustöðvar 62 300.800
Neyðar- og mannúðaraðstoð 35 192.400
SOS fjölskylduefling 719 455.400
Önnur aðstoð 69 57.400
Samtals hjálpað árið 2021 2.845 1.277.200

Sjá líka: Svona hjálpar SOS

Nýlegar fréttir

Tímabundin stytting á opnunartíma skrifstofu
27. jún. 2022 Almennar fréttir

Tímabundin stytting á opnunartíma skrifstofu

Vegna sumarleyfa lokar skrifstofan okkar klukkan 13:00 þriðjudag, miðvikudag og fimmtudag 28.-30. júní og klukkan 12:00 föstudaginn 1. júlí. Við minnum á tölvupóstfangið sos@sos.is og er öllum erindum...

Rúrik heimsótti fjölskyldueflingu í Malaví
20. jún. 2022 Fjölskylduefling

Rúrik heimsótti fjölskyldueflingu í Malaví

Rúrik Gíslason kynnti sér nýtt fjölskyldueflingarverkefni sem SOS Barnaþorpin á Íslandi standa að í Malaví á ferð sinni þangað fyrr á árinu. Rúrik er einn af velgjörðasendiherrum SOS á Íslandi og heim...