Afríka

05.04 2017

Lærði bifvélavirkjun í verknámsskóla SOS

Junior að störfum

Junior Saint-Jean er 32 ára gamall maður frá Haítí. Frá unga aldri hefur hann haft gaman að fikta við vélar og mikinn áhuga á rafvélafræði en aldrei haft möguleika á að vinna við það. Það var þar til hann kynntist námi í bifvélavirkjun í verknámsskóla SOS í Cap-Haïtien árið 2011 að líf hans breyttist.

Junior þurfti að hætta í námi, þrátt fyrir góðan námsárangur, vegna þess að móðir hans gat ekki borgað skólagjöldin. Eins þurfti systir hans að hætta við háskólanám af sömu ástæðu. Junior varð í kjölfarið staðráðin í að afla tekna til að styðja við móður sína og systkinin. Að fara í verknámsskólann gaf honum bæði þekkingu á bifvélavirkjun og getu til að hefja eigin rekstur. Hann hóf viðgerðir á bílum strax fyrsta árið í skólanum og á öðru ári gat hann keypt sinn eigin bíl, fengið bílpróf og hóf störf sem leigubílstjóri. Nú hefur hann klárað nám og er kennari við skólann. Honum finnst frábært að fá að kenna ungu fólki sem hafa átt við sömu erfiðleika að stríða og hann.

Nú dreymir hann um að verða vélaverkfræðingur og stofna bílaverkstæðakeðju í Haítí. En fyrst ætlar hann að safna fé til að giftast kærustunni sinni og stofna fjölskyldu.