Fréttasafn
Blómakaupendur greiða nám tveggja SOS-mæðra
SOS Barnaþorpin og Garðheimar tóku höndum saman á mæðradeginum, þann 13. maí, og söfnuðu fé til menntunar SOS-mæðra. Af hverjum seldum mæðradagsvendi runnu 100 krónur til málefnisins.
Styrktaraðilar SOS Barnaþorpanna og viðskiptavinir Garðheima í Mjódd tóku samstarfinu vel og samtals söfnuðust um 85.000 krónur. Sú upphæð dugar til að standa straum að bóklegu námi tveggja SOS-mæðra í Afríku, en slíkt nám tekur þrjá mánuði í mæðraskóla SOS Barnaþorpanna.
Að bóklega náminu loknu þurfa svo væntanlegar SOS-mæður að stunda 21 mánaða starfsnám í barnaþorpi áður en þær fá að ganga umkomulausum börnum í móðurstað.
SOS-mæður taka að sér munaðarlaus og yfirgefin börn og ala þau upp sem sín eigin börn við mannsæmandi aðstæður í SOS Barnaþorpum í yfir hundrað löndum.
SOS-mæður framtíðarinnar læra m.a. að sauma og gera við föt
